5G istifadə edənlərin sayı 1 milyarda çatacaq

30-11-2017 / 15:00

Bu yaxınlarda Ericsson Mobility Report-un hesabatına əsasən, artıq 6 il sonra 1 milyard insan 5G texnologiyasından istifadə edəcək.

Xeberler.az ict.az-a istinadən məlumat verir ki, LTE şəbəkəsinin əhatə dairəsi isə 85%-ə yaxınlaşacaq.

Öncə daha sıx məskunlaşmış şəhər və rayonlarda tətbiq ediləcək texnologiya 2023-cü ilin sonunadək dünya əhalisinin 20%-i tərəfindən istifadə ediləcək.

2019-cu ildə isə 5G texnologiyasına əsaslanan ilk kommersiya şəbəkələri əlçatan olacaq, 2020-ci ildən isə sözügedən texnologiya geniş yayılacaq.

İlk olaraq ABŞ, Cənubi Koreya, Yaponiya və Çin sakinləri bu rabitə protokolunun üstünlüklərindən istifadə edə biləcəklər.

Proqnozlara görə, həmin dövrdə mobil məlumatların trafiki 8 dəfə artacaq və 2023-cü ilədək ayda 110 eksebayta yaxınlaşacaq.

Bu, HD formatında 5,5 milyon il videoyayım deməkdir. Trafik artımı bütün regionlarda nəzərə çarpacaq. Lakin Şimali Amerikada 2017-ci ilin sonunadək smartfonda aylıq orta göstərici 7 Gb-ı ötəcək.

Mobil trafikin həcminin yüksəlməsi video istehlakını artırmağa davam edir. Video formatı yeni texnologiyalarla (məsələn, 360 dərəcəlik baxış) vəhdətdə sərf edilən məlumatların həcmini bir neçə dəfə artıracaq.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.