Kontaktsız ödənişlər Sinqapur nəqliyyat administrasiyası tərəfindən gediş haqqının ödənilməsi üçün sistemin yaradılması təşəbbüsü çərçivəsində həyata keçirilən tədbirlərdən biridir.
Xəbərlər-in RYTN-nin rəsmi saytına istinadən verdiyi məlumata görə, sistem sərnişinin nəqliyyata daxil olmasını və çıxmasını kart və ya digər ödəniş vasitəsini oxuyucu qurğuya yaxınlaşdırmadan avtomatik qeydə alacaq.
“Texnologiya sərnişinlərin avtobus və ya qatarda ödəniş alətlərini aşkar edərək onları avtomatik qeydiyyatdan keçirə biləcək. Gediş haqqını ödəmək üçün sadəcə olaraq sərnişinin üzərində mobil telefonun olması tələb olunur. Bu halda “Be-In-Be-Out” sistemi sərnişinlərdən əlavə əməliyyat tələb etməyəcək. Hazırda mütəxəssislər ödəniş alətinin uzaq məsafədən aşkar edilməsi ilə əlaqədar məsələlərin həlli ilə məşğuldurlar”, - Sinqapur nəqliyyat nazirinin müavini Pan Kinq Konq bildirib.
Nazir müavini qeyd edib ki, Nəqliyyat Nazirliyi hazırda sistemin məqsədəuyğunluğunun və onun müasir nəqliyyat vasitələrində tətbiqinin öyrənilməsini tam başa çatdırmayıb.
Mobil operatorların abunəçilərin hərəkəti barədə apardığı statistika sayəsində hökumət insanların ictimai nəqliyyatda, eləcə də əsas marşrutlar yaxınlığında velosipedlərlə hərəkəti haqqında məlumatlar əldə edib. Bu məlumatlar əsasında nəqliyyat sisteminin əməkdaşları sistemi asanlıqla tətbiq edə biləcəklər.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri