İNNOVASİYA VƏ STARTAP

Məlumat verdiyimiz kimi,  bir müddət əvvəl azərbaycanlı gənclər  tərəfindən  yemək artığı probleminə son qoyan Sovqat.az startapı  yaradıldı.

Belə ki, Sizin (fərd ola bilərsiniz və ya  kafe/restoran)  artıq yeməyiniz, ərzağınız  və yaxud da lazımsız əşyanız var. Siz bunları Sovqat platformasına yerləşdirib ehtiyacı olan insanların əldə etməsini təmin edə bilərsiniz.

Həmçinin platformadan özünüzə lazım olan əşyaları da  tapa bilərsiniz. Belə ki, evdə artıq əşyası olan şəxslər  həmin əşyaları platformaya yerləşdirir. Ehtiyacı olan şəxslər isə  Sovqat ilə  bu əşyaları əldə edə bilir. 

Layihə komandasından Xeberler.az-a verilən məlumata görə, layihənin daha da   geniş beynəlxalq platformaya çıxması üçün Sovqat.az-ın adı dəyişdirilib. Belə ki, Sovqat.az layihəsi bundan sonra ShareClever adı ilə fəaliyyət göstərəcək.

Məlumatda qeyd edilib ki, hazırda startap layihəsinə xarici dövlət və özəl qurumlar böyük maraq göstərir.  

Artıq bir müddətdir fəaliyyət göstərən Sovqat.az layihəsi uğuru nəticələr əldə edib.

Belə ki, bu günə qədər Sovqat.az- ShareClever platforması üzərindən 100 kiloqram artıq yemək ehtiyacı olan insanlara təqdim edilib.

Həmçinin, Sovqat.az ilə  lazımsız  kompüter, ofis ləvazimatı, mətbəx əşyaları da ehtiyacı olanlara çatdırılıb.

Layihə Orxan Cəfərov və Cavid Nadirov tərəfindən hazırlanıb.

Məltəm Talıbzadə