İNNOVASİYA VƏ STARTAP

Mayın 10-11-də Böyük Britaniyada  texnologiya sahəsində investisiya imkanı qazandıran ən böyük tədbirlərdən olan EIE baş tutacaq.

Qeyd edək ki, hər il tədbirə 1000-ə yaxın iştirakçı və 300-dən çox investor qatılır.

Belə ki, tədbirdə seçilmiş 60 startap üçün öz stendləri yaradılır. Həmçinin onlar  investor və iştirakçılar qarşısında 1 dəqiqəlik təqdimat edir.

Xeberler.az-ın məlumatına görə, hazırda Edinburq şəhərində yaşayıb qlobal və yerli startaplar hazırlayan həmyerlimiz Cavid Nadirov da tədbirdə iştirak etmək haqqı qazanıb.

Cavid Nadirovun həmtəsisçisi olduğu GetGuided layihəsi də təqdimat edəcək 60 layihə arasındadır.

Video burada.

Onu da bildirək ki, EIE tədbirində həmçinin mələk yatırımçılar, vençur fondlardan da dəstək almaq imkanı var.

GetGuided turizm sahəsində səyahət edənləri və şirkətləri yerli xalqın təmin etdiyi unikal və alternativ təcrübələr və turlar birləşdirən onlayn platformadır.

Cavid Nadirov həmçinin yerli startapımız Sovqat.az (ShareClever) layihəsinin də həmtəsisçisidir. 

Xeberler.az olaraq xaricdə yaşayan və beynəlxalq platformada uğur qazanan gəncləri də diqqəti saxlayır, bu barədə oxuculara mütəmadi məlumat təqdim edirik.

GetGuided layihəsi barədə də saytımızda ətraflı məlumat dərc edilib. Belə ki, Cavid Nadirov və GetGuided, həmçinin hazırda xaricdə yaşayan digər həmyerlilərimiz haqda da saytımızdan ətraflı məlumat əldə edə bilərsiniz. 

Məltəm Talıbzadə