İNNOVASİYA VƏ STARTAP

Bu gündən Musicbeez sosial şəbəkəsində yeni layihə  başlayıb.

Xeberler.az-ın məlumatın görə,  bu layihə musiqi dinləyicilərinə sevdikləri mahnını digər məşhur müğənninin ifasında eşitmək imkanı yaradır.

Musicbeez-də baş tutan layihənin ilk  iştirakçısı Dilarə Kazımovadır.

Belə ki, platformada  dinləyicilərə Dilarə Kazımova  tərəfindən seçilmiş və səsvermədən sonra müğənninin öz üslubunda ifa olunacaq üç mahnıdan birinə səs vermək imkanı yaradılıb.

Səsverməyə 3 mahnı təqdim olunub- Lana Del Rey – Gods And Monsters, Qaya qrupu – Bəlkə də , Adele – Hello.

Nəticədə ən çox səs toplamış mahnı Dilarə Kazımova tərəfindən səsvermədə iştirak etmiş dinləyicilər üçün ifa olunacaq.

Qeyd edək ki, səsvermə 2016-cı il yanvarın 31-ə kimi davam edəcək. Buradan istədiyiniz musiqiyə səs verə bilərsiniz.

Dilarə Kazımova  layihə ilə bağlı bildirib ki, Musicbeez musiqi sənayesinin inkişafı üçün çalışan yaradıcı  gənclərdən  ibarət yeni bir komanda deməkdir . O, bu layihədə  iştirak etdiyi üçün şad olduğunu deyib.

Dilarə Kazımovanın iştirakı ilə baş tutan bu layihə Musicbeez-də debüt layihədir. Bu növ layihələrin digər Azərbaycan və əcnəbi müğənnilərin iştirakı ilə də baş tutacağı gözlənilir.

Qeyd edək ki,  əgər dinləyicilər hər hansı digər mahnını Dilarə Kazımovanın ifasında eşitmək istəyirlərsə, Musicbeez-də mahnının və orijinal müğənninin adını qeyd edərək Dilarəyə  Kazımovaya öz istəklərini ünvanlaya bilərlər. Saytda qeydiyyatdan keçmiş Dilarə Kazımova ona ünvanlanmış və saytın istifadəçiləri tərəfindən kifayət qədər dəstək toplamış istəkləri yerinə yetirməyə çalışacaq.

Musicbeez dinləyicilərə istədikləri mahnını sevdikləri müğənninin ifasında eşitmək üçün unikal imkan yaradan sosial şəbəkədir.

Musicbeez startap layihəsi bu il keçirilən Startap Günləri 2015-in qalibi olub. 

Məltəm Talıbzadə