İNNOVASİYA VƏ STARTAP

Aprelin 20-də  Dilarə Kazımova Musicbeez sosial şəbəkəsində Adele-in “Hello” mahnısının kaver versiyasını təqdim edib.

Məlumat verdiyimiz kimi, bir müddət  öncə bu mahnı digər iki mahnı ilə yanaşı Musicbeez.com saytında keçirilən səsvermədə iştirak edirdi.

Səsvermədə aşağıdakı mahnılar dinləyicilərin seçiminə təqdim olunmuşdu:

 1. Lana Del Rey – Gods And Monsters

2. Qaya qrupu – Bəlkə də

 3. Adele – Hello

Verilmiş səslərin 45.5 faizini  toplayan Adele – Hello mahnısı səsvermənin qalibi seçildi və bunun nəticəsi olaraq Dilarə Kazımova tərəfindən özünəməxsus üslubunda ifa olunub.

Dilarə Kazımovanın iştirakı ilə baş tutmuş bu layihə dinləyicini tanınmış mahnıların yeni versiyalarının yaranma prosesinə cəlb edən ilk layihə olub.

Müğənni öz rəsmi Facebook səhifəsindən dinləyicilərin onun ifasinda eşitmək istədikləri istənilən digər mahnıları da ifa etməyə hazır olduğunu bildirib. Bunun üçün sadəcə Musicbeez.com saytında qeydiyyatdan keçib istənilən mahnının adını qeyd edərək müğənniyə müraciət ünvanlamaq kifayətdir.

Ən çox dinləyici dəstəyi toplamış müraciətlər Dilarə Kazımova tərəfindən onun özünəməxsus üslubunda ifa olunacaq.

Musicbeez dinləyicilərə istədikləri mahnını sevdikləri müğənninin ifasında eşitmək üçün unikal imkan yaradan sosial şəbəkədir.

Musicbeez startap layihəsi Startap Günləri 2015-in qalibi olub. 

 Məltəm Talıbzadə