İNNOVASİYA VƏ STARTAP

Xeberler.az bildirir ki, ötən ilin sonunda Vergi Məcəlləsinə edilən dəyişikliklərin təsdiqi ilə bağlı Prezident fərman imzalayıb. Bu Fərmana görə Nazirlər Kabineti 3 ay ərzində güşətlərin tətbiq ediləcəyi startaplar üçün meyarları təsdiq etməlidir.

Məsələyə Azərbaycan Multimedia Mərkəzinin direktoru Osman Gündüz münasibət bildirib. Onun sözlərinə görə, yarım ildən çox vaxt keçməsinə baxmayaraq hələ də Nazirlər Kabineti-dən bir xəbər yoxdur. Əlaqəli qurumlar isə (.Maliyyə Nazirliyi, Vergilər Nazirliyi, İqtisadiyyat Nazirliyi (KOBİA), NRYTN, Vətəndaşlara Xidmət və Sosial İnnovasiyalar üzrə Dövlət Agentliyi ) yekun rəyi Nazirlər Kabineti -ə çoxdan təqdim ediblər.  Hələlik hansı meyarların tətbiq olunacağı ilə bağlı açıqlama verilməyib. Təəşşüf ki adı çəkilən dövlət qurumlarının heç birisi bu istiqamətdə heç bir müzakirə təşkil etməyib.Eskpert bildirib ki, Startap Azərbaycan olaraq biz də təkliflərimizi təqdim etmişik.

Qeyd edək ki, startaplar qanunvericilikdə nəzərdə tutulan güzəştlərdən istifadə etmək üçün Şəhadətnamə almalıdırlar. Şəhadətnamələr isə startapların müraciəti əsasında veriləcək.  Startaplara Şəhadətnamələrin KOBİA tərəfindən verilməsi nəzərdə tutulub. 
Bu məqsədlə KOBİA –da Qaydalar və müvafiq Komisssiya formalaşdırılacaq.