Startaplarımız Silikon Vadisi mütəxəssisləri qarşısında təqdimat edəcək

14-12-2015 / 10:55

Məlumat verdiyimiz kimi, Azərbaycan Dövlət Neft və Sənaye Universitetinin  NEXT STEP İnnovasiya Mərkəzi 2-ci “Öz İdeyanı Gerçəkləşdir”  layihə müsabiqəsini elan etmişdi.

Xeberler.az-ın məlumatına görə, sabah universitetin akt zalında  2-ci “Öz İdeyanı Gerçəkləşdir”  layihə müsabiqəsinin final mərhələsi  keçiriləcək.

Final mərhələsində seçilmiş olan layihələr ardıcıl olacaq təqdimatlarını edəcək.

Qeyd edək ki, müsabiqədə də ideya və layihə müəlliflərini ABŞ, Silikon Vadisində çalışan mütəxəssislər Naeem Zafar və Rick Rasmussen dinləyib dəyərləndirəcək.

Sabahki tədbirdə münsiflər qarşısında yaxından tanıdığmız Ustam, Shopera ,FoodLook, Appoll, WibeMe, Feedly layihəsinin də təqdimatı olacaq.

Nəticələr isə bir gün sonra –dekabrın 16-da açıqlanacaq.

Msabiqə qalibləri üçün aşağıdakı imkanlar müəyyənləşdirilib: 


-Layihə komandası üçün aylıq 2000 AZN təqaüd;
-Layihə komandası üçün aylıq 250 AZN təchizat xərcləri;
-Layihə komandasının 4 aylıq proqram ərzində çalışa biləcəkləri tam təchizatlı ofis;
-Layihənin icra müddəti ərzində mütəxəssis dəstəyi;
-Hər şənbə günü ABŞ Silikon Vadisindən ekspertlərin onlayn olaraq təlim keçməsi;
-4 aylıq proqramı uğurla başa vurduqdan sonra ABŞ Silikon Vadisində layihə üzrə görüşlər keçirmək;
-Şirkətləşmə;
-Sonda layihə komandasına 10 min AZN qrant;

Qeyd edək ki, tədbiri açılış nitqi ilə universitetin rektoru,  professor Mustafa Babanlı edəcək. 

Daha sonra ardıcıllıqla layihələrin çıxışları başlayacaq.

Təqdimat edəcək startap layihələrimizlə  buradan ətraflı tanış ola bilərsiniz.

 

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə