STARTAP AZƏRBAYCAN

Məlumat verdiyimiz kimi, dünən Azərbaycan Dövlət Neft və Sənaye Universitetinin NEXT STEP İnnovasiya Mərkəzi tərəfindən təşkil edilən  2-ci "Öz İdeyanı Gerçəkləşdir!" layihə müsabiqəsinin  final mərhələsi baş tutub.

Xeberler.az-ın məlumatına görə,  müsabiqənin final mərhələsində seçilmiş olan layihələrin ardıcıl təqdimatları edilib. Belə ki, 8 saat davam edən ingilis dilində  təqdimatda ardıcıl olaraq 34 layihə dinlənib.

Ustam, Shopera ,FoodLook, Appoll, WibeMe, Feedly layihəsi də tədimat edib. Tam siyahı ilə buradan tanış ola bilərsiniz. 

Tədbirdə universitetin rektoru, professor Mustafa Babanlı, NEXT STEP İnnovasiya Mərkəzinin layihələrinin təsisçiləri, eləcə də, ADNSU-nun Next Step-in direktoru Kamran İmaməliyev və Kaliforniya Berkley Universitetinin professoru Naeem Zafar iştirak edib, layihələri dəyərləndirib.

Rektor Mustafa Babanlı Naeem Zafari öz otağında qəbul edərək  Azərbaycanda startap ekosistemi, gələcək istiqamətlər, bu sahədə  görüləcək işlər barədə fikir mübadiləsi aparıb.

Qeyd edək ki, müsabiqədə  ideya və layihə müəlliflərini  dinləyib, dəyərləndirən  Naeem Zafar  Silikon Vadisinin  mütəxəssisidir.

Naeem Zafar  tədbirdə çıxış edərək gənclərə  layihələrə ilə bağlı israrla çalışmağı, startaplarını beynəlxalq səviyyədə tanıtmağı məsləhət görüb.

O, müsabiqədən gözləntiləri barədə danışıb.

Müsabiqənin nəticələrin bu gün  açıqlanacağı gözlənilir.

Müsabiqə qalibləri üçün aşağıdakı imkanlar müəyyənləşdirilib: 

-Layihə komandası üçün aylıq 2000 AZN təqaüd;
-Layihə komandası üçün aylıq 250 AZN təchizat xərcləri;
-Layihə komandasının 4 aylıq proqram ərzində çalışa biləcəkləri tam təchizatlı ofis;
-Layihənin icra müddəti ərzində mütəxəssis dəstəyi;
-Hər şənbə günü ABŞ Silikon Vadisindən ekspertlərin onlayn olaraq təlim keçməsi;
-4 aylıq proqramı uğurla başa vurduqdan sonra ABŞ Silikon Vadisində layihə üzrə görüşlər keçirmək;
-Şirkətləşmə;
-Sonda layihə komandasına 10 min AZN qrant;

Məltəm Talıbzadə