Layihəmiz GİST müsabiqəsinin finalına seçildi

04-05-2016 / 21:08

Məlumat verdiyimiz kimi, Azərbaycandan olan layihə ABŞ-da keçirilən  2016 GİST beynəlxalq müsabiqəsinin yarımfinalında iştirak edirdi.

Qeyd edək ki, 135 ölkə arasında keçirilən müsabiqədə ümumilikdə 1075 ərizə qəbul olunub.

Azərbaycandan təqdim olunan HealthBox adlı innovativ layihə beynəlxalq ekspertlər tərəfindən müsbət qiymətləndirilmişdi.

Qeyd edilmişdi ki, yarımfinala çıxmış 102 layihə arasında 30 ən çox səs yığan layihə seçiləcək. Finalçılar  Elm və Texnologiya üzrə Qlobal Sammitdə öz işlərini təqdim edəcək.

Xeberler.az GİST-ə istinadən məlumat verir ki, müsabiqənin finalçıları bəlli olub.

Belə ki, yerli layihəmiz HealthBox da finalçılar arasındadır.

Layihə rəhbəri Leyla Tağızadə Xeberler.az-a bildirib ki, hazırda  belə bir müsabiqədə ölkəmizi təmsil edib, uğur qazandığı üçün qürur hissi duyur.

Qeyd edək ki, hər il sammitin açılışını ABŞ prezidenti Barak Obama  özü elan edir. Bu il finalçılar ABŞ prezidenti ilə görüşmək, layihələrinin inkişafı üçün investisiya cəlb etmək, qlobal elm, texnologiya sahəsində faydalı əlaqələr qurmaq, investorlarla qarşılaşmaq imkanı əldə edəcəklər.

 HealthBox mobil proqram xəstələrin tibbi xidmətlərindən daha rahat formada istifadəsini təmin edir.  Proqram xəstələrə öz sağlamlıqları ilə əlaqədar məlumatları bilavasitə tibb müəssisə və apteklərə göndərməyə imkan verən mobil tətbiqdir.

Tətbiq xəstələr ücün tamam pulsuz olacaq, onu App Store və Play Market-lərdən yükləmək olacaq.

Müsabiqənin final mərhələsi üçün layihələrə səsvermə  aprel ayının 1-dən may ayının 1-nə kimi keçirildi.

Qeyd edək ki, Elm və Texnologiya üzrə Qlobal Sammit  - 2016 GİST-İ ABŞ Dövlət Departamenti və AAAS ( Amerika Elmə Dəstək Assosiasiyası) tərəfindən hər il keçirilən müsabiqədir. Qlobal sammit bu il 20-24 iyun tarixlərində ABŞ-ın Kaliforniya ştatında, Silikon Vadisində keçiriləcək.

Ötən il GİST-in finalında Azərbaycanı BethClip layihəsi ilə Rəşid Əliyev təmsil etmişdi.

  Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.