İNNOVASİYA VƏ STARTAP

NEXT STEP İnnovasiya Mərkəzi 3-cü “Öz İdeyanı Gerçəkləşdir!” layihə müsabiqəsi elan edir.

Mərkəzdən Xeberler.az-a verilən məlumata  görə, sabahdan etibarən  layihə rəhbərləri müsabiqəyə qeydiyyatdan keçə bilər.

Qeyd edilib ki, müsabiqə şərtlərinə əsasən aprelin 1-dək  təşəbbüskar mərkəzin rəsmi internet səhifəsinə  (www.icnextstep.com/project) daxil olaraq qeydiyyatdan keçməli və layihə müraciət formasını doldurmalıdır.

Müsabiqə şərtlərinə cavab verən layihə rəhbərlərinə  aprelin 10-na qədər  müsabiqədən keçib-keçmədikləri haqqında məlumat veriləcək.  Bu mərhələdən keçən layihələrin təqdimat gününə hazırlaşmaları üçün əlavə təlimatlar veriləcək.

Məlumatda bildirilir ki, 3-cü “Öz İdeyanı Gerçəkləşdir!” layihə müsabiqəsinin qaliblərini bu dəfə 3 aylıq proqram çərçivəsində daha geniş imkanlar gözləyir. Bunlar aşağıdakılardır:

• Tam təchizatlı ofis şəraiti
• Həftəlik layihə əsaslı ABŞ-dan mentor dəstəyi – Professor Naeem Zafar
• Həftəlik ümumi ABŞ-dan “Təşəbbüskarlıq” təlimi – Rick Rasmussen
• Məhsul istehsalı olan layihə üçün laboratoriya şəraiti və avadanlıqların təşkilində dəstək
• Minimum tələbatı ödəmək üçün ayda 2000 AZN-ə qədər maaş

Qeyd edək ki, 3 aylıq proqramı uğurla başa vuran layihələrin şirkətləşməsinə NEXT STEP İnnovasiya Mərkəzi tərəfindən dəstək veriləcək və onların ABŞ, Silikon Vadisində təcrübə keçmə və investorlarla görüş şansları yaradılacaq. 

Ətraflı məlumat üçün: Azadlıq pr. 34, ADNSU, 5-ci mərtəbə.

Tel: +994 12 598 41 01

Mob: +994 55 255 48 68

E-mail: [email protected]

Məltəm Talıbzadə