STARTAP AZƏRBAYCAN

NEXT STEP İnnovasiya Mərkəzi layihələrin akselerasiya proqramına daxil edilməsi üçün ənənəvi olaraq həyata keçirtdiyi “Öz İdeyanı Gerçəkləşdir!” Layihə Müsabiqəsinin 4-cü proqramına başlayıb.  

Mərkəzədən Xeberler.az-a verilən məlumata görə,  müsabiqəyə qeydiyyat üçün iyulun 1-dən  sentyabrın 1-nə qədər   NEXT STEP İnnovasiya Mərkəzinin internet səhifəsinə (www.icnextstep.com/project) daxil olaraq layihə qəbul forması doldurmalıdır.

Müsabiqədə iştirak şərtləri, layihələrin öncədən dinlənilməsi və digər məsələlər üçün iyulun 1-dən seminarlar və kansultasiyalar veriləcək.

Müsabiqə şərtlərinə cavab verən layihə rəhbərlərinə  sentyabrın 10-a qədər  müsabiqədən keçib-keçmədikləri haqqında məlumat veriləcək.  Bu mərhələdən keçən layihələrin təqdimat gününə hazırlaşmaları üçün əlavə təlimatlar veriləcəkdir.

 4-cü “Öz İdeyanı Gerçəkləşdir!” Layihə Müsabiqəsinin qaliblərini bu dəfə 3 aylıq proqram çərçivəsində daha geniş imkanlar gözləyir. Bunlar aşağıdakılardır:

-  Tam təchizatlı müasir dizaynlı ofis şəraiti

-   Həftəlik layihə əsaslı ABŞ-dan mentor dəstəyi – Professor Naeem Zafar

-   Həftəlik ümumi ABŞ-dan “Təşəbbüskarlıq” təlimi – Rick Rasmussen

-   Məhsul istehsalı olan layihə üçün laboratoriya şəraiti və avadanlıqların təşkilinə dəstək

-   Minimum tələbatı ödəmək üçün ayda 2000 AZN-ə qədər maddi dəstək

 NEXT STEP İnnovasiya Mərkəzi 2015-ci ilin may ayından fəaliyyət göstərir. Fəaliyyət müddəti ərzində 3 müsabiqə həyata keçirib.

Bu müsabiqələr ərzində ümumilikdə mərkəzə 250-dən çox layihə ilə müraciət edilmiş, bunların 5-i akselerasiya proqramına daxil edilib.

BakuParking, FoodLook, WibeMe, SmartWristlet layihələrinin hər biri hazırda fəaliyyət göstərir və bunlardan yalnız WibeMe (www.wibeme.com) layihəsi NEXT STEP İnnovasiya Mərkəzinin dəstəyi ilə fəaliyyətini qlobal bazarda davam etdirmək üçün yaxın zamanlarda ABŞ, Silikon Vadisinə gedərək təqdim olunacaq.

Qeyd edək ki, Ustam layihəsi də NEXT STEP İnnovasiya Mərkəzinin akselerasiya proqramında iştirak edib. Bir müddətdir ki, Ustam rəsmi olaraq fəaliyyətini dayandırıb. 

Məltəm Talıbzadə