İNNOVASİYA VƏ STARTAP

Məlumat verdiyimiz kimi, bir neçə gün öncə Startap Azərbaycan 2016-nın yarımfinalçıları açıqlandı.

Belə ki, bu il müsabiqədə 10 startap layihəsi yarımfinala çıxaraq qalib olmaq uğrunda mübarizə aparmaq şansı əldə etdi.

Startap Azərbaycan Təşkilat Komitəsindən əldə etdiyimiz məlumata görə, mayın 26-da 2-ci qiymətləndirmə olacaq.

Belə ki, yarımfinalçılar Yüksək Texnologiyalar Parkında geniş biznes–planlar əsasında hazırladıqları təqdimatla ekspertlər qarşısında oflayn formada layihələrinin təqdimatını edəcək.

TK-dan bildirilib ki, 2-ci qiymətləndirməni Startap Azərbaycan-nın ekspertləri aparacaq.

Layihələrin təqdimatı mayın 26-da, saat 18:00-da YTP-da baş tutacaq.

2-ci mərhələ qiymətləndirmədə hər bir startap komandası ayrılıqda ekspertlər qarşısında öz layihələrini təqdim edəcək.

Ekspertlər bu dəfə də layihələri 5 istiqamət -komanda, layihənin davamlılığı, layihənin ideyası və cəlbediciliyi, layihənin gəlirliliyi, layihənin əhatə dairəsi  üzrə qiymətləndirəcək.

Təqdimat üçün hər bir komandaya 8 dəqiqə vaxt ayrılır.

Yarımfinalçıların təqdimatları əsasında ekspertlərin yekun qiymətləndirməsi aparılacaq və Startap Azərbaycan 2016 finalçıları müəyyən olunacaq.

Qaliblər Startap Azərbaycan yekun təqdimat mərasimində açıqlanacaq. Yekun təqdimat məraismi və ənənəvi Startap Azərbaycan milli konfransının iyun ayının əvvəlində keçirilməsi planlaşdırılır.

Startap Azərbaycan Layihəsinə Rabitə və Yüksək Texnologiyalar Nazirliyi , İT-nin İnkişafı Dövlət Fondu və Yüksək Texnologiyalar Parkı dəstək verir.

Startap Azərbaycan-ın Akademik partnyoru ADA Universitetidir.

ATL Group, SİNAM, Neuron Technologies, SUP Accelerator, NEXT STEP İnnovasiya Mərkəzi və Cybernet şirkətləri Startap Azərbaycan-a dəstək verir və sponsorluq edirlər.

Məltəm Talıbzadə