Məlum olduğu kimi 7 – 9 Noyabr 2013-cü il tarixlərində Bakıda Startup Günləri keçiriləcək.
Startup Günləri çərçivəsində keçiriləcək tədbirlərə hazırlıq məqsədilə Startup Azərbaycan Təşkilat Komitəsi üzvlərinin , ekspertlərin və mentorların birgə görüşü keçirilib.
Görüşdə Startup Günləri çərçivəsində keçiriləcək tədbirlərin uğurla başa çatdırılması istiqamətində fikir mübadiləsi aparılıb. Startup Günləri Prıqramının yekun variantı müzakirə edilib.
Startup Günləri çərçivəsində keçirilməsi nəzərdə tutulan Konfransa hazırlıq məsələləri də diqqət mərkəzində olub.
Görüşdə daha çox yeni fəaliyyətə başlayan gənc startupçılarla birgə keçiriləcək tədbirlərin təşkili məsələsi müzakirə olunub. Tərdbirlərə qatılan gənc startapçıların maraqlı ideyalarının təqdim edilməsi və ən yaxşı ideyaların üzə çıxarılmasının təşkili ilə bağlı fikir mübadiləsi aparılıb.
Ən yaxşı ideyalar ətrafında komandaların formalaşması və uğurlu ideyalar əsasında layihələrin ilkin variantlarının hazırlanması üçün daha effektiv mexanizimlər təklif olunub. Layihələrin ilkin variantının yaradılması prosesində ekspert və mentorlardan ibarət komandanın startupçılara dəstəyinin çox vacib olduğu diqqətə çatdırılıb. Layihələrin qiymətləndirilməsi və qaliblərin mükafatlandırılması məsələsinə də xüsusi diqqət yetirilməsinin vacibliyi vurğulanıb.
Görüş iştirakçıları yalnız maraqlı və innovativ ideyaları olanların gənc stratupçılarla bağlı tədbirlərə qatılmasının daha faydalı olacağını bildiriblər.
Görüşdə Starup Günləri çərçivəsində keçirilməsi nəzərdə tutulan Təlimlər və yerli startup sahiblərinin yeni fəaliyyətə başlayan gənc startupçılarla görüşlərinin də xüsusi əhəmiyyət kəsb etdiyini bildiriblər. Bu tədbirlərin də uğurlu alınması üçün maraqlı təkliflər səsləndirilib.
Görüşdə irəli sürülən təklif və rəylər nəzərə alinmaqla Startup Günləri Proqramının yekun variantının bir daha nəzərdən kçeirilməsi , təsdiq edilməsi və saytda yerləşdirilməsi məqsədə uyğun hesab edilib.
Startup Günlərinə Rabitə və İnformasiya Texnologiyaları nazirliyi və Yüksək Texnologiyalar Parkı dəstək verir.
Startup Günlərinin Baş sponsoru Bakcell şirkətidir.
İnfiPro şirkəti də Startup Günləri Layihəsinə dəstək verir.
Görüşdən hazırlanan foto materiallar: www.fb.com/startupdaysaz
Geniş məlumat : www.startupdays.startup.az
