“TQDK işlərin öhdəsindən texnologiyaların köməyilə gələ bildi”

17-09-2015 / 15:27

“Tələbə Qəbulu üzrə Dövlət Komissiyasının bu il ərzində keçirdiyi müxtəlif təyinatlı imtahanlarda ümumilikdə 600 mindən artıq şəxs iştirak edib”.

Xeberler.az-ın məlumatına görə, bunu Tələbə Qəbulu üzrə Dövlət Komissiyasının sədri Məleykə Abbaszadə bu gün keçirilən mətbuat konfransında deyib.

Onun sözlərinə görə, imtahanlarda təkcə Komissiyanın 126 nəfər əməkdaşı deyil, kənardan müqavilə ilə dəvət olunan müəllimlər, ekspertlər iştirak edib. TQDK sədri həmçinin medianın böyük rolu olduğunu qeyd edib:

“Buna görə də, bəzən məlumatı TQDK-nın saytında yerləşdirməmişdən əvvəl mətbuata göndəririk. Bəzən xəbər saytlarında məlumatlar bizim saytımızdan daha tez dərc olunur. Vətəndaşlaraın dəqiq və qərəsiz məlumat almasında medianın rolu böyükdür. Mətbuat bu prosesdə bizimlə birlikdə çalışdı”.

Məleykə Abbaszadə vurğulayıb ki, TQDK qəbul prosesinin öhdəsindən ona görə bilib ki, qurum öz işində informasiya texnologiyalarından yetərincə istifadə edib:

“ Komissiyanın son 6 ay ərzində vətəndaşlara təqdim etdiyi elektron xidmətlər istifadəçi sayına görə daim birinci yerdə olub. “Elektron Hökümət” portalı vasitəsi ilə TQDK-nın təqdim etdiyi 15 elektron xidmətdən 4167385 dəfə istifadə edilib. İnsanlara həm rəsmi saytımız, həm “Elektron Hökümət” portalı üzərindən elektron xidmətlər göstəririk”.

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.