Türk Telekom-un güzəştli tarif paketinə Azərbaycan yoxdur

29-08-2019 / 13:27

Türkiyənin aparıcı telekommunikasiya şirkəti "Türk Telekom" mobil telefon abunəçiləri üçün tarif paketi istifadəyə verib. 

Xeberler.az Report-a istinadən bildirir ki, paketə Azərbaycan türkcəsində "Yaxşı tarif" ("Yaxşi tarife") adı verilib. 

Tarifə əsasən, Türkiyədən Azərbaycan, Qırğız Respublikası, Suriya, Tacikistan, Moldova və Ermənistana zəngin dəqiqəsi 19 qəpikdir (65 kuruş). Eyni zamanda tarifə qoşulan abunəçilərə Türkiyə, Gürcüstan, Ermənistan, Türkmənistan, Özbəkistan, Moldova, Qazaxıstan, Qırğızıstan və Tacikistan da daxil olmaqla 2000 dəqiqə pulsuz danışıq imkanı yaradılıb. Ancaq siyahıda Azərbaycanın adı yoxdur. Bu da Türkiyədə təhsil alan, işləyən və yaşayan Azərbaycan vətəndaşlarının böyük narazılığına səbəb olub. 

"Türk Telekom"un İctimaiyyətlə əlaqələr şöbəsinin rəhbəri Melih Kocagil açıqlamasında məsələdən xəbərsiz olduğunu bildirib. O, məsələni araşdırdıqdan sonra yazılı açıqlamasında Türkiyədə təhsil alan, işləyən və yaşayan Azərbaycan vətəndaşlarının "Yaxşı tarif" paketi və onun üstünlüklərindən yararlandığını qeyd edib.

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə