Turkcell Azercell-i almaq istəyir

18-11-2015 / 22:50

Məlumat verdiyimiz kimi, TeliaSonera beynəlxalq telekommunikasiya şirkəti Azərbaycanda və digər Avrasiya ölkələrində iştirakını azaldacağını bildirib.

Əvvəllər də Avrasiya, həm də Avropa regionunda fəaliyyət göstərən Teliasonera özünün yeni strategiyası çərçivəsində səylərini İsveç və Avropada cəmləşdirmək məqsədilə Avrasiya ərazisindəki fəaliyyətini azaltmağa, nəticə etibarilə tamamilə regiondan çıxmaq planlarını həyata keçirməyə qərar verib. 

Türkiyənin iri mobil rabitə operatoru Turkcell İsveç-Finlandiya şirkəti TeliaSonera-nın Azərbaycanın ən iri mobil rabitə şirkəti Azercell-dəki payını almaq üçün danışıqlara başlayıb.

Xeberle.az-ın məlumatına  görə,  bu barədə Bloomberg agentliyi məlumat yayıb.

Danışıqlar prosesinə yaxın iki mənbə təsdiq edib ki, Turkcell bu sövdələşməyə hazırlıq üçün HSBC və Citygroup banklarından məsləhətçi tutub.

 Şirkət Azercell-dəki payı da daxil olmaqla bu region ölkələrindəki aktivlərini satışa çıxarıb.

 Azercell-in, Moldovanın Moldcel, Qazaxıstanın Kcell və Gürcüstanın Geocell şirkətlərinin səhmlərinin əsas hissəsinin sahibi Fintur Holding adlı offşor şirkətdir.

 Öz növbəsində Turkcell bu şirkətin səhmlərinin 41,45 faizinə, TeliaSonera isə 58,55 faizinə malikdir.

Turkcell şirkətinin rəhbəri Kaan Terzioğlu TeliaSonera ilə danışıqları təsdiqləyib və deyib ki, sövdələşmə gələn il başa çata bilər.

Turkcell şirkəti Azercell-lə yanaşı TeliaSonera-nın Orta Asiyadakı aktivərini də almağa hazırlaşır.

Turkcell şirkətinin səhmlərinin 51 faizi Turkcell Holding-ə məxsusdur. Bu holdinqin səhmlərinin 52,91 faizi isə Cukurova Telecom Holdings Ltd-in mülkiyyətindədir.

Xeberler.az olaraq məsələni Azercell şirkəti ilə dəqiqləşdirməyə çalışdıq. 

Şirkətdən Xeberler.az-a bildiriblər ki, bununla bağlı  sabah Azercell-in rəsmi açıqlaması olacaq. 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.