Məlumat verdiyimiz kimi, TeliaSonera beynəlxalq telekommunikasiya şirkəti Azərbaycanda və digər Avrasiya ölkələrində iştirakını azaldacağını bildirib.
Azercell şirkətində payı olan bu qlobal qurumun Azərbaycandakı fəaliyyəti ilə bağlı Azercell-in mətbuat xidmətindən məsələyə münasibət bildirilib.
Şirkətdən Xeberler.az-a verilən məlumata görə, TeliaSonera Azərbaycandan getsə də, Azercell Telekom Azərbaycanda öz fəaliyyətini davam etdirəcək.
Bildirilib ki, bundan öncə həm Avrasiya, həm də Avropa regionunda fəaliyyət göstərən Teliasonera özünün yeni strategiyası çərçivəsində səylərini İsveç və Avropada cəmləşdirmək məqsədilə Avrasiya ərazisindəki fəaliyyətini azaltmağa, nəticə etibarilə tamamilə regiondan çıxmaq planlarını həyata keçirməyə qərar verib. Bu qərar Teliasonera şirkətlər qrupunun idarə heyəti tərəfindən qəbul olunub.
Qeyd edək ki, əsas səhmdarın Avrasiya regionuna aid şirkətlərdəki fəaliyyətini dayandırmaq niyyətinə baxmayaraq, Azərbaycanın mobil telekommunikasiya bazarının lideri Azercell Telekom MMC ölkə qanunvericiliyinə uyğun olaraq fəaliyyət göstərir və öz fəaliyyətini eyni şəkildə davam etdirəcək.
Qeyd olunub ki, Azercell-in mətbuat xidməti qeyd olunmuş məsələ ilə bağlı hər-hansı bir yenilik olduqda məlumatı media vasitəsi ilə ictimaiyyətlə paylaşacaq.
Sevinc Çəltikova
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları