TƏHLÜKƏSİZLİK

Cylance adlı təhlükəsizlik şirkəti ötən günlərdə kritik bir təhlükəsizlik açığını tapmağı bacarıb. Bütün Windows istifadəçilərinə təsiri olan bu təhlükəsizlik açığı daxili məlumatların ələ keçirilməsini mümkün edir. Üstəlik, bu təhlükəsizlik problemi hazırda Windows 10-un texniki baxış versiyasında belə mövcuddur. Şirkətin bildirdiyi məlumata görə, Windows kompüterlərində belə bir problemin olması məlumatların oğurlanmasına şərait yaratdığını ifadə etdi. Əməliyyat sistemlərinin zəif olan bu tip yerlərinə "Redirect to SMB" adı verilir.

 Redirect to SMB probleminin uzun müddət çətinlik yaradacağını nəzərdə tutan Microsoft bu mövzu ilə bağlı mətbuata açıqlama verib. Açığın yüksək səviyyədə problemlərə səbəb olmayacağını ifadə edən nümayəndə, bu tərz bir problemin ortaya çıxa bilməsi üçün çox istisna və nadir halda rast gəlinən vəziyyətlərin ortaya çıxmasının vacib olduğunu vurğulayıb. Yeni təhlükəsizlik sistemləri haqqında da əlavə məlumatlar təqdim edən Microsoft, bu an üçün bu problemi ortadan qaldıracaq bir yeniləmənin hazırlanması ilə bağlı məlumat verməyib.

 Windows istifadəçiləri ümumi mənada bir çox yeniləmə paketi ilə qarşılaşacaqlar. Bu yeniliklərin arxasında  olan ən əhəmiyyətli səbəb də yeni təhlükəsizlik açıqlarına qarşı əməliyyat sisteminin reaksiya göstərməsi və tədbir alma bacarığına sahib olması üzərində qurulub. Bu yeni təhlükəsizlik açığı ilə əlaqədar bir yeniləmənin hələ də elan olunmaması istifadəçi tərəfində  böyük bir narahatçılıq yarada bilər.

                                                                                      Ağasəf Haqverdiyev