TEXNOLOGİYA

Yeni nəsil avtomobillərin istehsalında kompüter sistemlərindən istifadə olunması avtomobilləri  xakerlərin hədəfinə çevirir.

Xəbərlər-in verdiyi məlumata görə, İngiltərə mərkəzli təhlükəsizlik firması  NCC Group yeni nəsil avtomobillərin kompüter sistemlərinə radio dalğalar vasitəsilə daxil olunduğunu və tormozlama sistemləri ilə bərabər həyati təhlükə yaradan texnologiyaların idarə olunmasının mümkün olduğunu bildirib.

ABŞ texnologiya jurnalı Wired-ın müxbirləri Chris Valasek və Charlie Miller rəqəmsal sistemləri inkişaf etmiş, İnternetə qoşulan avtomobillərdə bu formada risklərin olduğunu bildirib. Valasek və Miller Jeep Cherokee modelində bir avtomobilin  İnternetə qoşulan musiqi və naviqasiya sisteminə daxil olub avtomobilin idarə olunmasını tamamilə ələ keçirmişdilər. Xəbərin paylaşılmasından sonra avtomobil istehsalçısı Chrysler firması yeni proqram paketi təqdim edərək bu problemi aradan qaldırıb.

NCC şirkətinin araşdırma müdiri Andy Davis radio dalğaları göndərən cihazın eyni vaxtda bir neçə avtomobilin idarə olunmasının mümkün olduğunu bildirib.

Müasir avtomobillər bir-biriylə əlaqəli 50-dən çox kompüter sistemi ilə idarə olunur və 50 milyondan çox koda malikdir.

Analitiklər avtomobillərə avtomatik pilot və yeni funksiyaların əlavə edilməsi ilə birlikdə kompüter xakerlərinin də sistemlərə daxil olma riskinin artdığını müəyyənləşdirib.

                                                                             Ağasəf Haqverdiyev