TEXNOLOGİYA

Bundan 5 il əvvəl avtomobildə mobil telefonla danışmaq qadağan idi, ancaq indi tamamilə hər şeylə əlaqə yaradacaq avtomobillər istehsal olunur. Connected Cars layihəsi bütün dünyanı yol bəlasından qurtara bilər.

Xəbərlər-in verdiyi məlumata görə, Connected Cars layihəsi yolda olan bütün vasitələrin bir-birlərini görə bilmələrini təmin edəcək, sürücü və sürücülük təhlükəsizliyi maksimum səviyyədə artırılacaq. Bu layihə Teslanın çıxardığı bütün elektrik avtomobillərdə var. Google-un sürücüsüz avtomobilləri də bu sistemlə işləyən avtomobillərdəndir. Ancaq bir problem var, əlaqəli avtomobillər yalnız öz parametrlərinə uyğun markalı avtomobillərlə əlaqə yaradır. Hələ qlobal olaraq bir-birlərini tanımırlar.

Problemi aradan qaldırmaq üçün nəqliyyatda bir-biriylə əlaqə halında ola bilən bütün vasitələrin naviqasiyalarının qarşılıqlı  paylaşmaları əsla bir-birlərinin yoluna çıxmayacaqları və toqquşmayacaqları mənasına gəlir. İşıqforun işıqlarını və piyada keçidlərini daha əvvəldən görə bilmək, benzin stansiyaları ilə əlaqədə olmaq, təcili yardım zənglərini qəbul edib göndərən əlaqəli avtomobillərin edə biləcəyi bir çox funksiyaları var. Bu da nəqliyyatda böyük bir etibarlı şəbəkənin meydana gəlməsi mənasına gəlir.

Connected Cars, GPS və naviqasiya  vasitəsilə yolda tıxac olduqda sürücünü alternativ yollara da yönləndirəcək. Bu sistemin 2020-ci ilə qədər reallaşdırılmağı planlaşdırılır. 2020-ci ildə isə hədəf 250 milyon avtomobili bir-birinə əlaqələndirməkdir.

Ağasəf Haqverdiyev