Alibaba şirkəti kompüter hazırlamağa başlayıb

03-08-2015 / 12:05

Alibaba Group İnternet şirkəti Çin Elmlər Akademiyası ilə birlikdə kvant kompüter hazırlamağa başlayıb.

Xəbərlər-in RYTN-nin rəsmi saytına istinadən verdiyi məlumata görə, kompüterin hesablama gücü müasir superkompüterlərin gücünü trilyon dəfə üstələyəcək.

Alibaba Group ABŞ-ın Google, Microsoft və IBM şirkətlərindən sonra kvant kompüter hazırlamağa başlayan ilk Çin şirkətidir. İnternet nəhənginin texniki direktoru Van Tszyan bildirib ki, hazırda şirkətin layihədə iştirakı yalnız elmi maraqlarla əlaqədardır. “Biz hələ bu texnologiyadan kommersiya məqsədləri üçün necə istifadə edilməsini tam başa düşmürük”, - o qeyd edib.

Akademik Pan Tzsyanveyin fikrincə, özəl kapitalın dəstəklənməsi kvant kompüterin yaradılması prosesində böyük əhəmiyyət kəsb edir. “Bu sahədə mövcud tədqiqatların aparılmasına baxmayaraq Çinin ən yaxşı alimləri Google və Microsoft tərəfindən əməkdaşlığa cəlb edilir. Bu, texnologiyanın Çində inkişaf prosesini çətinləşdirir”, - alim vurğulayıb. Onun proqnozuna görə, Çin alimləri tərəfindən kvant kompüter yaxın 10-15 ildə yaradılacaq.

Kvant kompüterin adi kompüterdən fərqi ondan ibarətdir ki, nəzəri baxımdan o bir anda 1 milyona yaxın hesablama apara biləcəyi halda adi kompüter yalnız 1 əməliyyat həyata keçirə bilir. Məlum olduğu kimi, adi kompüter informasiyanı ikili kod adlandırılan sıfır və vahidlərin kombinasiyası ilə kodlaşdırır. Burada informasiya vahidi bit adlandırılır. Kvant kompüter sıfır və vahidin hesablanmasını super mövqe sayəsində eyni anda başa düşən kubitlərə malikdir. Təkcə bu məqamın nəzəri baxımdan kvant kompüterə üstünlük verəcəyi bildirilir.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə