Sürücüyə yardım sistemindən istifadə edən “Xiaomi” elektrik avtomobilinin qəzaya uğraması barədə xəbərlərdən sonra Honkonq birjasında istehsalçı şirkətin səhmləri 5,5 faiz ucuzlaşıb.
Xeberler.az məlumat verir ki, “Xiaomi” şirkətinə məxsus SU7 elektrik avtomobili martın 29-da Anhoy əyalətindəki sürət şosesində qəzaya uğrayıb. Qəza nəticəsində üç nəfər ölüb.
Hazırda polis hadisənin səbəbini araşdırır. “Xiaomi” şirkətinin ilkin məlumatına görə, sürücüyə yardım sistemi qəzadan 20 dəqiqə öncə aktivləşdirilib. Sistem sürücünün sükanı tutmadığı barədə bir neçə dəfə xəbərdarlıq edib. Sürücü idarəetməni ələ aldıqdan bir neçə saniyə sonra isə qəza baş verib. Elektrik avtomobili qəzadan sonra yanıb.
Mütəxəssislərin fikrincə, qəza müasir avtomobillərdə istifadə edilən ağıllı sürücülük texnologiyaları ilə bağlı suallar doğurub.
Qeyd edək ki, “Xiaomi” 2024-cü ildə 136 min 854 ədəd “SU7 Series” elektromobili istehsal edib. Şirkət mart ayında 2025-ci il üçün tədarük proqnozunu 300 min ədəddən 350 minə qaldırıb.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları