AzInTelecom-un dəstəyi ilə Azərbaycan Texniki Universitetinin (AzTU) İnkubasiya Mərkəzində təşkil olunan SmartSolutions Hackathon 2026 tədbirinin ikinci günü başlayıb.
Xeberler.az məlumat verir ki, hackathonun ikinci mərhələsində iştirakçı komandalar əvvəlki gün başladıqları işləri davam etdirərək ideyalarını daha da inkişaf etdirir, təqdim olunmuş problemlər üzrə həllərini tamamlayaraq final təqdimatına hazır vəziyyətə gətirirlər.
Komandalar bu mərhələdə texniki hissənin təkmilləşdirilməsi, modellərin optimallaşdırılması, eləcə də məhsulların funksional və praktik tərəflərinin gücləndirilməsi istiqamətində intensiv fəaliyyət göstərirlər.
Gün ərzində iştirakçılar mentorların dəstəyi ilə işləyərək həm texniki, həm də biznes yanaşmalarını inkişaf etdirirlər. Mentorlar komandalarla fərdi və qrup şəklində çalışaraq biznes modelin qurulması, bazar uyğunluğu və təqdimat strategiyası ilə bağlı tövsiyələr verirlər.
Hackathon çərçivəsində komandalar əvvəlcədən müəyyən edilmiş problem istiqamətləri üzrə konkret və ölçülə bilən nəticələrə əsaslanan həllər üzərində işləyirlər. Bu yanaşma ideyaların real məhsul səviyyəsinə yaxınlaşdırılmasına və praktik tətbiq imkanlarının nümayişinə şərait yaradır.
Qeyd edək ki, günün sonunda hackathonun iş mərhələsi yekunlaşacaq və komandalar hazırladıqları həlləri münsiflər heyəti qarşısında təqdim edəcəklər. Təqdimat mərhələsində layihələrin texniki tərəfləri, istifadə olunan yanaşmalar və bazar potensialı qiymətləndiriləcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları