YUMROO Azərbaycanın İnternet məkanında ilk dəfə Onlayn Realiti-Şouya start verir

14-05-2009 / 15:09

Azərbaycanın informasiya-axtarış sistemi YUMROO Azərbaycanın İnternet məkanında ilk dəfə olaraq “İDDİA!” Onlayn Realiti-Şousuna start verir.

Yumroo-dan xeberler.az-a verilən məlumata əsasən bir ay ərzində 4 qız məhz onların biznes ideyalarının reallaşdırılmağa layiq olduğunu İnternet auditoriyaya sübut etməyə çalışacaqlar.

 Bunun üçün YUMROO qızları bir evdə yerləşdirəcək və burada qızlar İnternet auditoriya ilə günün 24 saatını ünsiyyətdə olacaqlar. Bu evdə onlar 30 gün yaşamalıdırlar.

Bu müddət ərzində qızlar biznes mövzusunda müxtəlif tapşırıqlar edəcəklər. Bu tapşırıqları etmək üçün qızlar internet auditoriyadan kömək istəyə biləcəklər. Qalib SMS səsverməsi ilə müəyyən olunacaq. Ən çox səs toplayan iştirakçı 3000 manat mükafat və ona göndərilmiş bütün SMS-lərin pullarını əldə edəcək. Bu pullar iştirakçıya şəxsi biznesini açmaq imkanını verəcək.

Qeyd edək ki,bu layihə Biznes Ledi istedadına malik olan, amma planlarını reallaşdırmaq üçün kifayət qədər vəsaitləri olmayan qızlar üçün nəzərdə tutulub.

Şouda hər kəs iştirak edə bilər. Bunun üçün [email protected] elektron ünvana özünüz haqda qısa məlumat, şəkil və biznes ideyanızın təsvirini yazıb göndərməlisiniz.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.