SOSİAL MEDIA

Yutub daha az tanınan məzmun yaradıcılarına daha çox diqqət cəlb etməyə və gələcək artım üçün imkanlar yaratmağa kömək etmək məqsədi daşıyan “Hype” adlı yeni aləti anons edib.

Xeberler.az xarici mətbuata istinadən məlumat verir ki, “Hype”ın köməyi ilə izləyicilər həm sevimli videolarını paylaşa, həm də yeni yaradıcıların inkişafına dəstək ola biləcəklər.

Videonun populyarlığına diqqət yetirən ənənəvi “Trend” bölməsindən fərqli olaraq, “Hype” istifadəçilərin tövsiyələri əsasında daha kiçik kanalları dəstəkləməyi hədəfləyir. Onun funksiyasına istifadəçilərə videoları populyarlaşdırmağa imkan verən yeni düymə daxildir. Bu, kiçik kanalların ön plana çıxmasına və baxış sayının artmasına imkan yaradacaq.

Beş yüz mindən az abunəçiniz varsa, videonuzun yayımlanmasından sonra yalnız 7 gün ərzində onu təşviq edə bilərsiniz. Hər bir istifadəçi həftədə üç dəfə “Təşviq et” düyməsindən istifadə edə bilər, qazanılan xallar isə kanal abunəçilərinin sayından asılıdır.

Bundan əlavə, yutub “Hype” bölməsini bütün istifadəçilər üçün fərdiləşdirməyi və hər mövzuya əlavə filtrlər və reytinqlər əlavə etməyi planlaşdırır. Bu, izləyicilərin maraqlı məzmun tapmasını asanlaşdırır və müəlliflərə pərəstişkarlarından əlavə dəstək almağa imkan verir.

Yutub, həmçinin bu ilin sonunda və ya gələn ilin əvvəlində istifadəyə veriləcək bəzi yeni funksiyaları anons edib. Birincisi, studiyada mövcud olan “Inspiration” funksiyasıdır. Bu alət video üçün ideyalar, sərlövhələr və miniatürlər, eləcə də mətn təsvirlərini təmin edərək məzmun yaradıcılarına kömək etmək məqsədilə nəzərdə tutulub. “Inspiration” artıq məhdud sayda istifadəçi üzərində sınaqdan keçirilib və həm beyin fırtınası, həm də tamhüquqlu layihələr yaratmaq üçün faydalıdır. Yutub istifadəçilərə canlı videoçarxlar yaratmağa kömək etmək üçün “Veo” güclü neyron şəbəkəsini “Shorts” redaktoruna inteqrasiya edir. “Veo” vasitəsilə yaradılmış videolar müvafiq olaraq işarələnir.

Bu yenilənmələr yeni məzmun yaradıcılarının artımını dəstəkləmək və platformada yaradıcılar və izləyicilər arasında qarşılıqlı əlaqəni yaxşılaşdırmaq üçün nəzərdə tutulub.