«Google» -dan İrandakı informasiya blokadası əleyhinə yeni layihə

22-06-2009 / 12:02

Dünyanın ən böyük virtual axtarış sistemi olan \"Google\", İranda baş vermiş son hadisələr və senzura səbəbilə öz tərkibində ingiliscə-farsca, farsca-ingiliscə tərcümə imkanı verən sistem hazırlayır.

Şirkət rəsmiləri son günlər İranda baş verən hadisələr və dünya ictimaiyyətinin buna marağını nəzərə alaraq belə bir layihəyə qərar verdiklərini açıqlayıblar. \"Google\" farsca tərcümə sistemini işə salaraq dünyada daha çox insanın İran barədə məlumatları birbaşa mənbəyindən öyrənməsini təmin etməyə çalışır.

Bundan başqa dünyanın ən böyük virtual ictimai şəbəkəsi olan \"Facebook\" da farsdilli istifadəçilərinin dəstəyi ilə bu saytın farsca versiyasını hazırlayır. Hər iki şirkətin məqsədi son günlər İranda yaranmış informasiya blokadasını yarmaqdır.

Qeyd edək ki, seçkilərdə öz namizədliyini irəli sürmüş Mir Hüseyin Musavi, İran gəncliyini hərəkətə gətirmək istiqamətində seçki strategiyasında Facebook-dan mütəmadi  istifadə edirdi.Musavinin Facebookda 6 mindən çox dəstəkçisi olan bir səhifəsi var.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə