1–3 may tarixlərində sərnişindaşıma xidmətlərinin optimallaşdırılması məqsədilə Bakı Metropoliteninin təşəbbüsü ilə “Metro Hackathon” yarışı keçirilib.
Xeberler.az məlumat verir ki, layihədə iştirak üçün ümumilikdə 1 201 nəfər müraciət edib. Onlardan 875-i bakalavr və magistr tələbələri, 326-sı isə sahə üzrə peşəkar mütəxəssislər olub. Seçim mərhələsinin nəticələrinə əsasən 72 namizədin iştirakı təsdiqlənib.
Üç gün davam edən yarış “İçərişəhər” stansiyasında – vaqon və platforma mühitində təşkil olunub. 4 nəfərlik təsadüfi iştirakçılardan formalaşdırılan 18 komanda müxtəlif metrostansiyaların adları altında mübarizə aparıb.
Komandalar tərəfindən hazırlanmış süni intellekt əsaslı innovativ həllər mayın 3-də metropolitenin Texnoloji korpusunda 5 nəfərlik münsiflər heyətinə təqdim olunub.
Münsiflərin yekdil qərarına əsasən, “Xətai” komandası birinci yerə layiq görülərək 5 000 manat mükafat qazanıb. “Gənclik” komandası ikinci, “Sahil” komandası isə üçüncü yeri tutub. Qaliblərə müvafiq olaraq 3 000 və 1 000 manat pul mükafatları təqdim edilib.
Qeyd edək ki, yarış SUP.VCnin təşkilatçılığı və Crocusoftun baş sponsorluğu ilə həyata keçirilib.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları