Bulud hesablamaları elektrik enerjisinə tələbatı azaldır

17-01-2017 / 12:51

2005-2010-cu illər üzrə məlumatların işlənməsi mərkəzlərinin enerji istehlakı 24% olmuşdur. Lakin bulud hesablamaları və optimallaşdırılmış idarəetməyə keçidlə vəziyyət dəyişib.

Xeberler.az ict.az-a istinadən məlumat verir ki, Kaliforniyanın Berkli Universitetində aparılmış tədqiqatın müəllifləri hesab edirlər ki, 2014-cü ildən 2020-ci ilə qədər hesablama resurslarına ehtiyacın kəskin şəkildə artmasına baxmayaraq enerji istehlakı yalnız 4% artacaq.

Tədqiqatın nəticələrinə görə, 2014-cü ildə ABŞ-ın məlumat mərkəzlərində elektrikin ümumi xərci 70 milyard kV/s təşkil edib ki, bu da ölkədə enerjinin ümumi istehlakının 1,8%-i deməkdir. Lakin müasir tendensiyalara əsasən, növbəti dörd ildə bu artım demək olar ki, dayanacaq.

2000-ci ildən 2005-ci ilədək serverlərin tədarükü hər il 15% artıb, bu dövrdə onların məlumat emalı mərkəzindəki ümumi sayı da demək olar ki, ikiqat artıb. 2005-2010-cu illərdə iqtisadi problemlər səbəbindən illik artım 5%-ə qədər azalıb.Hazırda bu göstərici 3% təşkil edir və proqnozlara görə, hələ 2021-ci ilə qədər artım eyni səviyyədə qalacaq.

Google şirkəti də optimist düşünərək hesab edir ki, 2020-ci ilə kimi elektrik enerjisinin ümumi xərci azalacaq.

Günel 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə