TEXNOLOGİYA

Xeberler.az bu dəfə təyyarədə özünüzü evinizdəki kimi daha rahat hiss edəcəyiniz 7 texnologiya və aksesuarları təqdim edir.

 Re-Timer eynəyi

Yüngül materialdan hazırlanan eynək uzun uçuşlarda vücud ritminin dəyişməsinin qarşısını alır.  Re-timer sərnişinlərə yeni saat qurşağına daha asan uyğunlaşmağa kömək edir. Bu eynəyin köməyi ilə Amerika və ya uzaq şərq ölkələrinə səyahət zamanı reaktiv dalğanın təsiri azalır. Cihaz USB vasitəsilə enerji yığa bilər. Eynəyin satış qiyməti 299 dollardır.

Rəqəmsal tərəzi - Travel Easy

Uçuşdan əvvəl yükün çəkisini dəqiq öyrənmək üçün bu texnologiyadan istifadə edə bilərsiniz. Bundan əlavə, Travel Easy adlı cihaz otaq temperaturunu ölçür. Cihaz 27 dollar dəyərindədir, amma təyyarələrdə kataloq vasitəsilə pulsuz da əldə etmək mümkündür.

Mobil cihazlar üçün SKYVIEW Holder

Uçuş zamanı sərnişinlərin çoxu vaxtın daha tez keçməsi üçün kiçik ekranlarda sevdiyi video və filmlərə baxmaq istəyir. Bütün təyyarələrdə  informasiya-əyləncə sistemi və kiçik ekranlar mövcud deyil. Lakin  uçuş zamanı Skyview və planşetdən istifadə edərək, öz mini kinoteatrınızı qura bilərsiniz. Cihaz 19 dollar dəyərindədir.

Yastıq NapAnywhere

Təyyarədə yatmaq istəyənlər üçün aksesuardır.  Bu aksesuardan istifadə edərək boyun ağrısı yaşamadan yata biləcksiniz. Yastığın dəyəri 59 dollardır.

Airhook

Bu aksesuar təyyarədə masanı açmadan daha rahat oturub eyni anda telefon, stəkan, planşetinizi qoymağa kömək edəcək.

Samsung Level Over qulaqlığı

Bu qulaqlığın köməyi əlavə səslərin qarşısını almaq imkanı əldə edəcəksiniz.

Ostrich Pillow

Gənc dizayn studiyası Kawamura-Ganjavian-ın yaratdığı "dəvəquşu yastıq" adlı aksesuar yatmaq üçün xüsusi mikro-mühit yaradır. Yastıq təyyarə və ya hava limanında, qatar və masada istifadə oluna bilər.

Sevinc Əsədova