İnformasiya Texnologiyaları şirkəti tərəfindən yaradılmış MrFix Yapı Kimyasalları-nın yeni saytı işıq üzü görüb.
USA Today nəşrinin yazdığına görə, ABŞ hökuməti Pekində keçiriləcək Olimpiada zamanı, çin xakerləri tərəfindən gözlənilən hücum barəsində xəbərdarlıq ediblər. İlk növbədə Olimpiya Oyunlarını ziyarət etməyə hazırlaşan amerika biznesmenləri və məmurları ehtiyyatlı olmalıdırlar. Avqust ayında ABŞ prezidenti Corc Buş və digər hakimiyyət nümayəndələri daxil olmaqla Çinə minlərlə amerikalının gəlməsi gözlənilir.
Paytaxtda mobil telefon vasitəsilə uşaq pornoqrafiyası ilə bağlı görüntülər yayan şəxs tutuldu. Bu barədə Baş Prokurorluq məlumat yayıb. Belə ki, mayın 1-də Respublika Prokurorluğunda paytaxtda naməlum şəxslər tərəfindən mobil telefon vasitəsilə uşaq pornoqrafik görüntülərinin yayılması faktı ilə bağlı Cinayət Məcəlləsinin 242-ci maddəsilə cinayət işi başlanıb və iş Daxili İşlər Nazirliyinin Mütəşəkkil Cinayətkarlıqla Mübarizə İdarəsinə göndərilib.
Kibercinayətkarlıqla mübarizə məqsədilə polis bölməsini yaradan, Kentuki ştatının baş prokuroru Cek Konvey özü xakerlərin qurbanına çevirilib. Bir müddət Konvey Itunes xidməti vasitəsilə bir neçə musiqi kompozisiyası əldə etmək istəyib və sifarişin emalı zamanı satıcı tərəfindən imtina olunub. Qısa araşdırmadan sonra prokuror, naməlum ziyankarlar tərəfindən ona məxsus kredir kart nömrəsinin oğurlanaraq, hesabda olan bir neçə min dolları kompüter avadanlıqlarının alınmasına, mobil danışıq və digər məsrəflərin ödənilməsinə xərcləndiyini aşkar edib. Qarətçilər həmçinin qeydiyyatda göstərilən poçt ünvanını da dəyişiblər.
Computerworld xəbər verir ki, Imation şirkəti, dəftərxana sancağı ilə müqaisə olunan Atom Flash Drive USB fləşkartını təqdim edib. Atom Flash Drive fləş kartının qabariti 30,5x13x5,6 millimetr, çəkisi 14 qram təşkil edir. Bu fləşkart dörd variantda istehsal olunur, bir, iki, dörd və səkkiz qiqabayt həcmində. Həcmindən asılı olaraq fləşkartın dəyəri 18 dollardan 100 dollaradək olacaq. Həmçinin qurğunun Windows Ready Boost ilə uyğun olması bildirilir. Bu cəhət ona kompüteridən yüksək iş qabiliyyəti ilə istifadə etməyə imkan verir.
The New York Times qəzetinin yazdığına görə, Google şirkətini təsis edənlərdən biri Sergey Brin, 2011-ci ildə russiyanın “Soyuz” kosmik gəmisində kommersiya əsasında keşirilən uçuşun iştirakçısı olacaq. Nəşrin verdiyi məlumata əsasən, Sergey Brin kosmik turistlərin BKS-ə (Beynəlxalq Kosmik Stansiyasının) uçuşunu təşkil edən Space Adventures şirkətinin yeni səhmdarı olub. Google təsisçisi şirkətə, uçuş haqqı kimi qəbul ediləcək beş milyon dollar yatırıb.
İyunun 17-də Mozilla fondu Firefox brauzerinin yeni versiyasının işıq üzü gördüyü haqda bəyan edib. Brauzer müəllifləri ilk 24 saat ərzində proqramın yüklənməsi sayına görə rekord müəyyən etmək niyyətindədirlər. Onlar, brauzerin buraxıldığı 3-cü günündən 1.7 milyon internet istifadəçi tərəfindən yüklənilməsinə əmindirlər. Müqaisə üçün qeyd edək ki, brauzerin ötən versiyasını birinci gün 1.6 milyon istifadəçi yükləmişdir. Əgər yükləyənlərin sayı 1.7 milyon nəfər olsa, onda brauzer Ginnesin rekordlar kitabına düşəcək.
Facebook sosial şəbəkəsinin rus dilli versiyası fəaliyyətə başlayıb. Bu barədə sabah, iyun ayının 19-da rəsmi elan ediləcək. Belə ki, rus dilli versiyanın yaradılması nəticəsində Facebook-un dəstəklədiyi dillərin sayı 17-yə çatıb.
Opera mobil brauzer istehsalçılarının apardığı araşdırmalara əsaslanaraq, Computerworld xəbər verir ki, mobil internet auditoriyasının 88 faizi kişilərdən ibarətdir. Mobil internet daha çox 18 yaşdan 28 yaşa dək olan gənclər arasında populyarlıq qazanıb. Onlar bütün mobil internet-istifadəçilərin 39 faizini təşkil edir. 28 yaşdan 37 yaşa dək insanların payına mobil internet-istifadəçilərin 34 faizi düşür.
Reuters agentliyinin verdiyi xəbərə görə, Google axtarış sistemi Microsoft şirkətini amerikanın ən şöhrətli şirkətləri siyahısında qabağlayıb. Bu məlumatlar Harris Interactive araşdırmalarında qeyd olunur. Cari il reytinqdə Google birinci yeri tutub (2007-ci ildə yalnız 4-cü yeri), lakin Microsoft isə birinci yerdən doqquzuncu yerə düşüb. Ötən il olduğu kimi, 2008-ci ildə tərtib olunan siyahıda ikinci yeri, kosmetika və Johnson & Johnson evi üçün malların istehsalçısı tutub. Üçüncu yer İntel şirkətinə nəsib olub (2007-ci ildə bu şirkət 16-cı yerdə olub).
Gartner təşkilatının keçirdiyi araşdırmalara əsaslanaraq, Reuters xəbər verir ki, dünyada bir milyarddan çox kompüter işləyir. 2014-cü ilə onların sayının ikiqat artması gözlənilir. Hazırda kompüterlərin ümumi sayının yarısından çoxu Qərbin sənaye cəhətdən inkişaf etmiş ölkələrində yerləşir. Ancaq təhlilçilər, gözlənilən iki milyard kompüterdən onların payına 30%-in düşəcəyini güman edirlər.
Dünyanın ən böyük axtarış sistemlərindən biri olan Google artıq harada olursa olsun qibləni tapmaqda müsəlmanlara köməklik edəcək.
18 yanvar 2008-ci il tarixindən Bakı ərazisində simsiz WiFi standartlı Internet xidmətləri göstərilir.
Biri varmış biri yoxmuş. .AZ domen adları satan bir şirkət varmış.. Nəyə görə məhz o satır o domenləri heç kim bilmirmiş.
Sürətlə dəyişən dünyamızda ən sürətli dəyişən İT sektorudur. İT-də də ən öndə gələn İnternet sahəsidir. Azərbaycan İnternetinin günü nə qədər dünya miqyasında acınacaqlı olsa da, bəzən bizim İnternetdə də sevindirici xəbərlər olur.
“Azercell Telekom”dakı dövlət payı özəlləşdirildi. Bakı, 12 fevral 2008 Azərbaycanın ən iri mobil operatoru olan “Azercell Telekom” Birgə Müəssisəsindəki dövlətə məxsus pay özəlləşdirilib. Şirkətin nizamnamə kapitalındakı 35,7 faizlik dövlət payı 180 milyon ABŞ dollarına “Azertell Telekommunikasyon Yatırım Dış Ticaret A.Ş.” şirkəti tərəfindən özəlləşdirilib. Bu haqda bu il fevralın 11-də həmin şirkətlə Dövlət Əmlakının İdarə Edilməsi üzrə Dövlət Komitəsi arasında alqı-satqı müqaviləsi imzalanıb.
Belçikada bir qrup pediatr- alim 16 yaşına çatmamış uşaqların mobil telefondan istifadəsinə qadağa qoymağa çağırış kampaniyasına başlayıb. “Radiasiyanın qarşısını alın” mövzusunda keçirilən kampaniyanın təşkilatçıları naqilsiz telefonların və səs ötürücülərinin uşaq orqanizmi üçün həddən artıq təhlükəli olduğu qənaətindədirlər. Həkimlər körpə uşaqlara oyuncaq kimi mobil telefonların verilməsini daha böyük təhlükə mənbəyi hesab ediblər.
AIF İnternetin keyfiyyətinin yaxşılaşdırılması və qiymətlərin endirilməsi ilə bağlı Rabitə və İnformasiya Texnologiyaları Nazirliyinə Təkliflər təqdim edib. Təkliflərdə 27 fevral tarixdə AİF tərəfindən İnternet ictimaiyyəti nümayəndələrinin iştirakı ilə keçirilən müzakirələrdə qeyd olunanlar da nəzərə alınıb.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları