11 tələbə hər ay “Azercell”-dən 200 manat təqaüd alacaq!!!

13-02-2009 / 17:22

“Azercell” –dən xeberler.az-a verilən məlumata görə “Azercell Telekom” MMC-nin tələbələr arasında keçirilən “Təqaüd” proqramının qalibləri müəyyən olunub. Karyera imkanları-“Gələcək-Sənsən” proqramı çərçivəsində “Azercell”in müəyyən etdiyi təqaüdü alacaq 11 tələbənin adı açıqlanıb.

Proqram çərçivəsində qalib olan tələbələr təhsil müddətlərinin sonuna qədər ayda 200 (iki yüz) manat məbləğində təqaüd alacaqlar. Bundan əlavə, həmin gənclər şirkətdə karyera qurmaq bacarıqlarına da yiyələnəcəklər.

Proqram qalibləri: Azərbaycan Dövlət İqtisad Universiteti Beynəlxalq İqtisadi Münasibətlər fakültəsinin tələbələri Nürəddin Səmədzadə, Anar Quliyev, Vüsal Qasımov, Elmir İsayev, Cümşüd Sultanov və Bakı Dövlət Universitetinin Tətbiqi riyaziyyat və kibernetika fakültəsinin tələbələri Fərid Qəttal, Samirə Qəhrəmanova, Elbəy Əliyev, Aliyə İsayeva, Fuad Məlikov və Samir Musayevdir.

 “Azercell”-dən həmçinin bildirilib ki,  “Təqaüd” proqramının məqsədi müvəffəqiyyətlə təhsil alan, digərlərindən fərqlənən tələbələrə qayğı göstərmək, bununla da gələcəkdə bu gənclərin peşəkar kimi formalaşmasına dəstək olmaqdır.

 

xeberler.az/Ellada



ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.