14 yaşlı uşağa sosial şəbəkələrdən iş təklifi gəlir

18-09-2015 / 10:47

14 yaşındakı Əhməd Məhəmmədin evində hazırladığı saatı məktəbə gətirməsi və buna görə həbs olunması, bütün dünyada maraqla qarşılandı. 

Xeberler.az xarici mətbuata istinadən məlumat verir ki, Texas, Irving-də MacArthur Liseyində təhsil alan Əhməd Məhəmməd elektron dövrələrlə müxtəlif cihazlar hazırlayır. Bir neçə gün əvvəl evdə hazırladığı saatı məktəbə aparıb və həyəcanla müəlliminə göstərib. Müəllimlər bunun bomba olduğunu düşünərək dərhal polisə məlumat veriblər. Polis cihazın adi bir saat olduğunu bilənə qədər azyaşlını nəzarətdə saxlayıb.

Hadisənin internetdə işıqlandırılması ilə qısa müddətdə bütün dünyada təxminən 1 milyon #iStandWithAhmed  həştəqi ilə Əhmədə dəstək tweet-inin atılmasına səbəb oldu. #iStandWithAhmed haştaqı Twitter-də trend olarkən, Əhmədə ilk dəstək verənlərdən biri də ABŞ prezidenti Obama oldu. Əhməd Məhəmmədi dəstəkləyənlər arasında Hillari Klinton da var idi.

Daha sonra Mark Zuckerberg Google və Twitter Əhməd Məhəmmədin yaratdığı saatla maraqlandı.

Zuckerberg Əhməd Məhəmmədi Facebook ofisinə dəvət edərkən, Google, Elm Sərgisi, Twitter isə məktəbliyə şirkətlərində təcrübə keçməyi təklif etdi.

Box, Autodesk, 3M və Raspberry Pi də Əhməd Məhəmmədi dəstəkləyənlər sırasındadır.

Sevinc Çəltikova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə