Eset antivirus şirkəti “KillDisk” zərərverici proqram təminatının yeni versiyasının aşkar edilməsi haqda məlumat verib.
Bu virus kompüteri yoluxdurduqdan sonra istifadəçidən kompüterə giriş üçün 200 min dollar məbləğində ödəniş tələb edir.
Xeberler.az RYTN-in elektron xəbər xidmətinə istinadən məlumat verir ki, Eset şirkəti “KillDisk” virusunu dağıdıcı komponent adlandırıb.
Sözügedən virus 2015 və 2016-cı illərdə Ukraynanın enerji və maliyyə şirkətlərinə hücumlar zamanı istifadə olunub. İndi bu virus faylları şifrləmə funksiyasına malikdir. Virusun yaradıcıları yoluxmuş qurğuların blokdan çıxarılması üçün 222 bitkoin ( 200 mindən çox dollar) tələb edirlər.
“KillDisk” zərərverici proqram təminatının yeni versiyası həm Windows, həm də Linux əməliyyat sistemi ilə işləyən kompüterlərə hücum edir. Yalnız işçi stansiyalar deyil, həm də serverlər bu virusun qurbanı olurlar.
Bu halda proqram virusa yoluxmuş kompüterdə şifrləmə açarlarını saxlamır və onu məsafədən idarə olunan serverə göndərmir. Bu o deməkdir ki, hətta tələb olunan məbləğin ödənilməsi məlumatların bərpasına zəmanət vermir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları