4K televizorların tədarükü artacaq

30-07-2015 / 17:10

Futuresource Consulting analitik şirkətinin proqnozuna görə, 2015-ci ildə TV qurğuların ümumi satış həcminin 2014-cü illə müqayisədə 2 faiz azalmasına baxmayaraq 4K formatlı televizorların tədarük həcmi 147 faiz artaraq 30 milyon ədədi ötəcək.

Xəbərlər-in RYTN-nin rəsmi saytına istinadən verdiyi məlumata görə, ötən il dünyada televizorların satışı 3 faiz artıb və natural ifadədə 235 milyon ədəd, pul ifadəsində 94 milyard dollar təşkil edib. Dünyanın müxtəlif ölkələrində vəziyyət fərqli olub. Belə ki, Avropa, Cənubi Amerika kimi regionlarda artım müşahidə olunduğu halda digərlərində - Asiya-Sakit okean və Avstraliya və digər yaxın adaların daxil olduğu regionda azalma qeydə alınıb.

Mütəxəssislərin qənaətinə görə, bu il dünyada televizorların satışı pul ifadəsində 3 faiz azalaraq 91 milyard dollar olacaq. Azalma Çin bazarının zəifliyi və Rusiyada iqtisadi çətinliklərlə əlaqədardır. Bundan başqa, əksər Avropa ölkələrində vəziyyət qeyri-sabit olaraq qalır ki, bu da tələbatın artmasına mane olacaq.

Bununla belə, iriölçülü televizorlar, 4K modellər və bükük ekranlı qurğular kateqoriyasında mütəxəssislər müsbət dinamika proqnozlaşdırır. Smart TV bazarında gözlənildiyi kimi olmasa da, artım gözlənilir.

 

Xeberler.az

 

Bildirilir ki, gələcəkdə artım bütün bazara sirayət edəcək. “Futuresource Consulting” analitiki Cek Vezerillin sözlərinə görə, yaxın illərdə istehlakçılar televizorları aktiv şəkildə yeniləməyə başlayaraq böyük ekranlı və "UltraHD” və ya “4K” standartlı modellər almağa başlayacaqlar, - "DailyComm” yazır. 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.