AVADANLIQ

Gartner analitik şirkəti dünya smartfonlar bazarında zəifləmənin davam etməsini açıqlayaraq gələcəkdə bu sahədə ikirəqəmli artım tempi proqnozlaşdırmır.

Ekspertlərin qiymətləndirməsinə görə, 2016-cı ildə smartfonların satış həcmi 7 faiz artaraq 1,5 milyard ədədə çatacaq.

Xeberler.az RYTN-in elektron xəbər istinadən məlumat verir ki, resursuna istinadən yazır ki, müqayisə üçün qeyd edək ki, smartfon sahəsində ən yüksək artım göstəricisi artımın 73 faizə bərabər olduğu 2010-cu ildə qeydə alınıb. 2015-ci ildə artım 14,4 faiz təşkil edib. 2020-ci ildə bazarın natural ifadədə həcminin 1,9 milyard qurğuya çatacağı gözlənilir.

Zəifləmə onunla əlaqədardır ki, Şimali Amerika, Qərbi Avropa, Yaponiya və ayrı-ayrı Asiya ölkələri kimi iqtisadi baxımdan inkişaf etmiş regionlarda smartfonların nüfuzetmə səviyyəsi 90 faizə bərabərdir.

Bundan başqa, insanlar əvvəlki illərlə müqayisədə smartfonları yenisi ilə gec əvəzləməyə başlayıblar.

“İnkişaf etmiş bazarlarda bahalı smartfon sahibləri onları 2,5 ildə 1 dəfə yenisi ilə əvəz edirlər və yaxın beş ildə vəziyyətin dəyişəcəyi gözlənilmir”, - “Gartner” analitiki Robert Kozza bildirib.

Bunu nəzərə alan əksər istehsalçılar inkişaf etməkdə olan ölkələrə üstünlük verərək diqqəti Hindistan və Çinə yönəldib.

Analitik Annet Simmermanın fikrincə, daha çox artım potensialına Hindistan malikdir. Gələcəkdə ucuz smartfonların qiymətlərinin aşağı düşməsi ilə 2016-cı ildə bu ölkədə smartfonların satışının 29,5 faiz artaraq 139 milyon ədəd təşkil edəcəyi proqnozlaşdırılır. Göstərilən həcmin təxminən 50 faizi qiyməti 120 dollardan ucuz modellər olacaq.

Öz növbəsində R.Kozza Afrika regionunun perspektivli olmasını deyərək 2015-ci ildə Saxaranın cənub hissəsində yerləşən Afrika ölkələrində smartfonların ilk dəfə satış həcminə görə adi mobil telefonları üstələməsini qeyd edib.

Mütəxəssislərin qənaətinə görə, Çində isə artım imkanları məhdud olacaq. 2014-cü ildə satış həcminin 16 faiz artmasından sonra 2015-ci ildə Çinin göstəricilərində artım qeydə alınmayıb. Növbəti beş ildə də artımın olacağı ehtimal edilmir.

Qeyd edək ki, bir müddət əvvəl digər tanınmış analitik şirkət - IDC dünya smartfonlar bazarı üzrə daha mühafizəkar proqnoz təqdim edib. Analitiklərin hesablamasına görə, 2016-cı ildə smartfonların tədarükü 3,1 faiz - 1,48 milyon ədədədək artacaq. Bununla belə, ekspertlər 2015-ci ildə 10,5, 2014-cü ildə 27,8 faiz artım qeydə alıblar.

Zəifləmənin əsas səbəbini IDC mütəxəssisləri Gartner kimi inkişaf etmiş bazarlarda və Çində tələbatın ödənilməsində görürlər. Tədqiqatçıların 2020-ci il üçün açıqladıqları proqnoz da oxşardır:

“IDC-nin versiyasına görə, dörd ildən sonra smartfon sahəsinin həcmi ədədi hesablamada 84 milyard qurğu təşkil edəcək.

Xeberler.az