Planşetlərin tədarükü azalacaq

27-08-2015 / 12:43

IDC tədqiqat şirkəti 2015-ci ildə dünyada planşetlərin satışı üzrə proqnoza düzəliş edib.

Xəbərlər-in RYTN-in rəsmi saytına istinadən verdiyi məlumata görə, cari ildə bu qurğuların, o cümlədən planşet kimi istifadəsi mümkün olan ekranı çıxarılıb-taxılan hibrid noutbukların tədarük həcminin 8 faiz azalacağı gözlənilir. Əvvəlki proqnoz 3,8 faiz olub.  

Bu il dünyada ümumilikdə bir il əvvəlki 230 milyonla müqayisədə 212 milyon belə qurğunun satılacağı proqnozlaşdırılır. 2019-cu ilədək satış həcminin ortaillik tempinin 0,7 faiz təşkil edərək 239 milyona çatacağı gözlənilir.

Bununla yanaşı, şirkət 2015-ci ildə hibrid noutbukların satışının kəskin artımını (86,5 faiz - 14,7 milyonadək) proqnozlaşdırır.

“Əvvəllər hibrid noutbukların əsas problemi qiymətlərin yüksək olması, cəlbedici olmayan dizayn və əksər belə qurğularda quraşdırılan Windows 8 əməliyyat sistemindən istifadə etməmək istəyi idi. İndi bazara yeni istehsalçılar (iki il əvvəl onların sayı 14 idisə, indi bu göstərici 40-a çatıb) çıxıb ki, bu da qiymətlərin xeyli ucuzlaşmasına imkan verib. Bundan başqa, Microsoft yeni Windows 10 əməliyyat sistemini istifadəyə verib, həmçinin Android sistemli yeni qurğuların çıxması gözlənilir”, - IDC analitiki Rayan Rit bildirib.

Planşetlər üçün planşet platformaları baxımından 2019-cu ildə lider ümumilikdə Android olaraq qalacaq. Google şirkətinin əməliyyat sisteminin bazar payı 56,6 faiz təşkil edəcək. iOS sisteminin payının cüzi artaraq 25,9 faiz olacağı gözlənilir. Windows əməliyyat sistemi iki dəfədən çox (2019-cu ildə 2015-ci ildəki 8,4 faizdən 17,5 faizədək) artım nümayiş etdirəcək.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.