İT xidmətləri bazarının həcmi azalıb

02-11-2015 / 11:19

Bu il dünya informasiya texnologiyaları və biznes xidmətləri bazarının həcmi pul ifadəsində (dollar hesablamasında) 3,4 faiz azalacaq.

Xeberler.az xarici mətbuata istinadən bildirir ki, İT sektorunda azalma 4,8 faiz, biznes sektorunda 0,2 faiz təşkil edəcək. 

Analitiklər 2016-cı il üçün dollar hesablamasında da artımın bərpa olunacağını proqnozlaşdırırlar. Bazarın həcmi ümumilikdə 3,9 faiz artacaq (İT sektorunda 2,9 faiz, biznes sektorunda 6,1 faiz). Valyuta məzənnələrinin dəyişməsi Avropa, Yaxın Şərq, Afrika ölkələrinin, eləcə də Asiya-Sakit okean regionu bazarının həcminə öz təsirini göstərib. Burada bazarın həcmində müvafiq olaraq 11,1 və 2,9 faiz azalma qeydə alınıb. Bununla bərabər, Şimali və Cənubi Amerikada bazarın həcmi 1,8 faiz yüksəlib.

Analitiklərin proqnozlarına görə, 2016-cı ildə infrastruktur və biznes konsultasiya xidmətləri seqmenti daha yüksək templərlə artacaq (müvafiq olaraq 8,2 və 7,7 faiz). Analitiklər bunu gələcəkdə biznesdə BULUD texnologiyalarının tətbiqinin genişlənməsinin əlaməti hesab edirlər. Lakin uzunmüddətli perspektivdə böyüklüyünə görə ən iri seqmentlər biznes prosesləri autsorsinqi və sistemli inteqrasiya qalacaq. Onların hər birinin həcmi 100 dolları ötür.

 

Xeberler.az 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.