Levi Strauss & Co və Google şirkətlərinin Jacquard layihəsi çərçivəsində birgə hazırladığı qeyri-adi cins gödəkçə smartfonun funksiyalarını idarə etməyə imkan verir.
Xebeler.az xarici mediaya istinadən məlumat verir ki, ağıllı gödəkçənin qollarına elektrik keçiriciliyinə malik simlərdən hazırlanmış sensorlar quraşdırılıb.
Toxunaraq hiss etmək üçün xüsusi olaraq ayrılmış sensorlar idarə edən çipə toxunuşlar haqqında məlumat ötürür.
Beləliklə, istifadəçi smartfonun bəzi funksiyalarını idarə etmək üçün gödəkçənin qolundan istifadə edə bilir. Məsələn, onun köməyilə naviqatoru, pleyeri idarə etmək və ya zənglərə cavab vermək mümkündür.
İstehsalçıların sözlərinə görə, gödəkçənin parçası xüsusi qulluq tələb etmir. Yuyulmadan əvvəl yalnız gödəkçənin qolundan idarə edən modulu ayırmaq lazımdır.
Cari ilin payızında satışa çıxarılacaq gödəkçənin dəyəri təxminən 350 ABŞ dolları təşkil edəcək.
Qeyd edək ki, Jacquard layihəsi çərçivəsində Britaniyanın Savile Row şirkəti ilə birgə hazırlanmış sensor parçanın ilk nümunələri 2015-ci ildə keçirilmiş “Google I/O” konfransında nümayiş etdirilib.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları