AMEA Yüksək Texnologiyalar Parkının rezidenti Milli Orduya yardım edib

22-12-2020 / 16:57

Məlum olduğu kimi, AMEA-nın prezidenti, akademik Ramiz Mehdiyevin rəhbərliyi ilə
akademiyanın elmi müəssisə və təşkilatları, o cümlədən Yüksək Texnologiyalar Parkı və onun rezidentləri silahlı qüvvələrimizə dəstək məqsədilə könüllü olaraq müxtəlif yardımlar edirlər.

Xeberler.az bildirir ki, akademiya rəhbərliyinin tapşırığı ilə Texnoparkın rezidenti olan Təcrübə-Sənaye Zavodu Azərbaycan xalqına zəfər sevinci yaşadan, xalqımızın qürur və güvən yeri olan Azərbaycan Ordusuna növbəti dəfə yardım edib.

Bu məqsədlə zavodun direktor müavini, kimya üzrə fəlsəfə doktoru Səxavət Rüstəmov və digər məsul şəxslər Tərtərin Suqovuşan kəndində, Horadiz qəsəbəsində əsgərlərlə görüşərək səngərdəki şəraitlə maraqlanıb, əsgərlərimizə zəruri tələbat mallarından, şəxsi gigiyena vasitələri, Naftalan yağı, isti paltar və müxtəlif növ yeməklərdən ibarət xüsusi yardım paketi təqdim ediblər.

Bu təşəbbüs AMEA-nın Azad Həmkarlar İttifaqı, Yüksək Texnologiyalar Parkı və Təcrübə-Sənaye Zavodunun Həmkarlar Komitəsinin dəstəyi ilə həyata keçirilib.
Təcrübə-Sənaye Zavodunun nümayəndələri Vətən Müharibəsində şəhid olmuş polkovnik-leytenant Elzamin Təhməzovun və könüllü əsgər Xudayar Yusifzadənin Bərdə rayonunda yerləşən qəbrini, eləcə də Ağdamda Şəhidlər xiyabanını da ziyarət ediblər. Zavod əməkdaşları, həmçinin E.Təhməzovun ailəsinə baş çəkiblər.

Qeyd edək ki, Texnopark və Təcrübə-Sənaye Zavodu tərəfindən indiyədək şanlı ordumuza ümumi məbləği 45.000 manat olan yardım göstərilib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.