Avropa Komissiyası reklam biznesində rəqabət qaydalarının pozulmasına görə “Google”u 2,95 milyard avro məbləğində cərimələyib.
Xeberler.az məlumat verir ki, bu cərimə Avropa İttifaqı (Aİ) tərəfindən onlayn reklam texnologiyası sahəsində sui-istifadə praktikaları ilə əsaslandırılıb. Komissiyanın araşdırmasına görə, “Google” bazarda dominant mövqeyindən sui-istifadə edərək 2014-cü ildən etibarən öz məhsullarına üstünlük qazandırıb. Aİ-nin qənaətinə əsasən, “Google”un biznes modeli maraq toqquşması yaradır. Belə ki, texnologiya şirkəti bir tərəfdən reklamları özü yerləşdirir, digər tərəfdən isə reklam verənlərlə onlayn reklam yeri təqdim edənlər arasında vasitəçilik edir. Şirkət reklam yerlərinin vasitəçiliyi üçün özünə məxsus bazar meydanı saxlayır.
Avropa Komissiyası “Google”dan özünə üstünlük verməyi dayandırmağı tələb edir. Texnologiya nəhənginə biznes modelini tələblərə uyğunlaşdıraraq Komissiyaya plan təqdim etmək üçün 60 gün vaxt verilib.
“Google” qərarla razılaşmayaraq, apellyasiya şikayəti verəcəyini açıqlayıb.
Avropa Komissiyası 2018-ci ildən sonra “Google” və onun əsas şirkəti “Alphabet”ə qarşı ümumilikdə 8 milyard avro həcmində bir neçə rəqabət cəriməsi tətbiq edib.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları