Azərbaycan BMT-nin illik iclasında təmsil olunub

23-09-2019 / 17:24

ABŞ-ın Nyu-York şəhərində BMT-nin Dayanıqlı İnkişaf naminə Genişzolaqlı Komissiyasının illik iclası keçirilib.

Xeberler.az bildirir ki, iclasda Azərbaycanı Nəqliyyat, Rabitə və Yüksək Texnologiyalar naziri Ramin Quluzadə, nazirin birinci müavini Əli Abdullayev və nazirliyin Beynəlxalq əməkdaşlıq şöbəsinin müdiri Şahin İsmayılov təmsil edib.

Görüşdə dünyada dördüncü sənaye inqilabı, genişzolaqlı internet üzrə bağlantının təkmilləşdirilməsi, informasiya-kommunikasiya texnologiyaları (İKT) sahəsində tənzimləmə mexanizmlərinin araşdırılması, inkişaf etməkdə olan ölkələrdə rəqəmsal iqtisadiyyatın inkişafı məsələləri müzakirə olunub.

Eyni zamanda, iclas zamanı 2030 – Dayanıqlı İnkişafa dair Gündəliyin yeni məqsədlərinin qəbul edilməsi müzakirə predmeti olub.

Qeyd edək ki, komissiyanın iclası ənənəvi olaraq BMT-nin Baş Assambleyasından bir gün öncə Nyu-Yorkda “Yale Klubu”nda baş tutur.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.