Azərbaycan startapı İndiegogo kampaniyasına başlayır

24-02-2017 / 16:11

Yerli startap layihəmiz Spinal Tech martın 10-dan İndiegogo “crowdfunding” platformasında öz kampaniyalarına başlayacaq.

Qeyd edək ki, İndiegogo startapın ilk istehsal və məhsul satışı üçün qlobal kampaniya platformasıdır. Yəni, buradan əldə edilən gəlirlə məhsulların hazırlanıb, bazara təqdim edilməsi təmin edilir.

2015-ci ildə ABŞ-da Microsoft-un İmagine Cup müsabiqəsinin dünya üzrə İnnovasiya kateqoriyasında 2-ci yerə sahib olan Spinal Tech komandası  Lia məhsulu üzərində işləyir. 

Xeberler.az olaraq bu barədə layihənin həmtəsisçilərindən Fidan Rüstəmova ilə ətraflı söhbət etdik.

Onun sözlərinə görə, komanda 2015-ci ilə İnformasiya Texnologiyalarının İnkişafı Dövlət Fondudan qrant alıb, cihazın optimizasiyasına yönləndirib.

Fidan Rüstəmova bildirib ki, Spinal Tech olaraq hazırda onlar Hollandiyadakı HighTech XL akselerasiya proqramında iştirak edir:

“3 ay avam edəcək bu proqram gənc şirkətləri onların biznes strategiyasının və istehsalatın qurulmasında, həmçinin PHILIPS və EY kimi böyük kampaniyalardan professional mentor və ekspertlərlə birgə fəaliyyət göstərməsində mühüm dəstək verir”.

O qeyd edib ki,  Spinal Tech (şirkət) komandası 5 nəfərdən ibarətdir. Belə ki, komandanda Fidan Rüstəmova da  daxil olmaqla  Arif Mövsümzadə,  Ülviyyə Rüstəmova, Anar Əliyev, Aleksey Cəfərov çalışır.

 Fidan Rüstəmova Lia məhsulu barədə də ətraflı məlumat verib:

Lia - geyiləbilən və qamətin düz saxlamaq vərdişinin yaranmasına kömək edən cihazdır. Cihaz sizin bədəninizin yuxarı nahiyyəsinin vəziyyətini təyin etməklə sizə belinizi əyməməyi xatırladır. Duruşunuz yanlış olduqda, Lia mobil telefonunuza bildiriş göndərib xatırladır ki, oturuşunuzu və duruşunuzu düzgün formada əzələ yaddaşınıza həkk etdirəsiniz”.

Onun sözlərinə görə, Lia mikrokontroller və 2 sensordan ibarət olan, çiyində oturan cihazdır. Sensor çiyinlərin vəziyyətini müəyyən edərək qamətin düzgünlüyünü yoxlayır:

“Əgər qamət öncədən proqram təminatı ilə müəyyən olunmuş normadan kənara çıxılarsa, istifadəçi bu haqda xəbərdar olur. Xəbərdarlığın hansı vasitə ilə çatdırılmasını müştəri özü seçə bilir: bu vibrasiya (telefonda, yaxud cihazın özündə) və ya səsli siqnal (həmçinin iki variant mümkündür) ola bilər. Smartfon vasitəsi ilə siz öz nəticələrinizi izləyə bilərsiz; hər bir xəbərdarlıq hesabat üçün smartfonun yaddaşında saxlanılır və sizə uyğun qrafik yığılır. Verilmiş funksiya ümumlikdə digər proqramlar kimi istifadəçi üçün maksimal dərəcədə rahat düzəlmişdir: asan, aydın interfeys və dəqiq informasiya”.

Həmtəsisçi qeyd edib ki, Lia-ın müsbət cəhətlərindən biri də onun kalibrasiyasının keyfiyyətli olmasıdır. Belə ki, sensorun birbaşa çiyinlərdə ideal oturması sayəsində hissiyat dəfələrlə artır, buda aparat sahibinin daha yüksək nəticələr əldə etməsinə kömək edir.

Öyrənirik ki, rahatlıqdan əlavə, Lia öz görünməməzliyinə görədə tərifə layiqdir. O paltarın altından geyilir və yığcam olduğuna görə özünü biruzə vermir.

Kampaniya müddətində qurğunun qiyməti 79 avro olacaq.  Məhsul bazara  95 avrodan təqdim ediləcək.

Onu da qeyd edək ki, Lia-nın mobil əlavəsindən istifadə ödənişsiz olacaq.

 Layihə komandası hazırda Türkiyənin Antalya şəhərində keçirilən Startup Turkey-nin final mərhələsində iştirak edir.

 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.