İNNOVASİYA VƏ STARTAP

Məlumat verdiyimiz kimi, bir neçə yerli startapımız hazırda Türkiyənin Antalya şəhərində keçirilən Startup Turkey-də iştirak edir.

Belə ki, Nəqliyyat, Rabitə və Yüksək Texnologiyalar Nazirliyinin dəstəyi ilə Kvotter, Spinal, Expander (CustomAR),Omarov`s Game Studio, WeTravel layihələri tədbirə qatılıb.

Xeberler.az olaraq bu barədə oxuculara mütəmadi məlumat təqdim edirik.

Antalyada olan startapçılarımız saytımıza bildirib ki,  dünən keçirilən Demo Day-də 3 layihəmiz investor və İT fondların qarşısına çıxıb.

Belə ki, Kvotter, Spinal Tech və Expander layihələri 50 startap arasından seçilərək məhsulları barədə qısamüddətli təqdimat edib. 

Spinal tech komandası öz Lia adlı məhsulunu təqdim edib.

Spinal Tech layihəsi isə 15 layihədən biri seçilərək bu gün, yəni final mərhələsində təqdimat etmək imkanı qazanıb.

Spinal komandasından Fidan Rüstəmova Xeberler.az-a bildirib ki, təqdimat uğurlu keçib. Belə ki, iştirakçılar layihəyə böyük maraq göstərib.

Fidan Rüstəmovanın sözlərinə görə,  həmçinin artıq bir neçə investor və angel ( mələk) yatırımçı  layihə ilə maraqlanıb.

Komandamız sabah keçiriləcək final təqdimata hazırlaşır. Ümid edirlər k, finalda da uğur qazana biləcəklər.

Fevralın 23-dən başlayan  tədbirdə 700 iştirakçı, 150-dən çox investor və 100-dən çox startap iştirakı edir.

Qeyd edək ki, 2008-ci ildən Türkiyədə keçirilən qlobal startap tədbiri regionun ən yaxşı sahibkarları, investorları, mələk yatırımçıları, vençur fondları, innovativ şirkət və layihələrini bir araya gətirir.

Startup Turkey-nin əsas məqsədi ən yaxşı netvörkinq imkanı yaratmaqdır.

Məltəm Talıbzadə