Rusiya fondu Bakıda ən yaxşı startapları seçdi

19-04-2017 / 09:37

Nəqliyyat, Rabitə və Yüksək Texnologiyalar Nazirliyi və Rusiya Federasiyasının Skolkovo Fondunun təşkilatçılığı ilə Bakıda 17-18 aprel 2017-ci il tarixində ilk dəfə keçirilən “Open Innovations Startup Tour” (Açıq İnnovasiyalar üzrə Startap Turu) çərçivəsində Azərbaycanın ən yaxşı startapları müəyyən edilib. 

Xeberler.az-ın məlumatına görə, müsabiqədə iştirak edən layihələr üçün biotibb, informasiya texnologiyaları və sənaye istiqamətləri əsas olub.

Arif Mövsümzadə, Aleksey Cəfərov və Fidan Rüstəmovadan ibarət Spinal Tech komandasının Lia layihəsi, Orxan Əhmədov və Cosqun Kərimovun Kvotter  layihəsi, Şahlar Paşayevin “Sağlam Yaşam platforması” layihəsi turun qalibi olub.

Müsabiqə qalibləri mükafatla yanaşı, Skolkovo Texnoparkında təşkil olunacaq texnoloji sahibkarlar üçün “Startup Village” startap-konfransında iştirak hüququ əldə edib.

 “Açıq İnnovasiyalar üzrə Startap Turu”nun əsas məqsədi yüksək texnologiyalar sahəsində perspektivli və innovativ layihələrin həyata keçirilməsinə dəstək verməkdir.

İki günlük tədbirdə Rusiyadan Skolkovo texnoparkının nümayəndələri, yerli və beynəlxalq startaplar, biznes qurumlarının təmsilçiləri iştirak edib.

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.