AVADANLIQ

Bu gün Azərbaycan Texniki Universitetində (ATU) İREX beynəlxalq təşkilatının “Azərbaycanda yeni media” layihəsi çərçivəsində quraşdırılmış Wi-Fi sisteminin təqdimatı keçirilib.
 Wi-Fi sistemi Azərbaycan Texniki Universitetinin üç məntəqəsində - tələbələrin kitabxanasında, müəllimlərin kitabxanasında və tələbə yeməkxanasında quraşdırılıb. 8 MB/s sürətli internetdən hər məntəqəyə eyni vaxtda orta hesabla 200 istifadəçi qoşula bilər.
Azərbaycan Texniki Universitetinə qədər İREX-Azərbaycan təşkilatı USAİD-in maliyyə dəstəyi ilə Bakı Dövlət Universiteti, Dövlət Neft Akademiyası, Azərbaycan Tibb Universiteti, Sumqayıt Dövlət Universitetində də Wi-Fi sistemi quraşdırıb. Bundan başqa, 19 rayonda və rayon mərkəzində İctimai İnformasiya Mərkəzləri yaradılıb, onlardan 10-u müasir kompüterlərlə təchiz edilib və 4 mB/s sürətli genişzolaqlı İnternetlə təmin edilib.İREX-in Azərbaycan nümayəndəliyi Azərbaycanda Yeni Media Layihəsi çərçivəsində USAİD-in maliyyə dəstəyi ilə Azərbaycan Texniki Universitetinin (ATU) əsas binasında Wi-Fi sisteminin quraşdırılması layihəsini başa çatdırıb.
 Layihə USAİD-in maliyyə dəstəyi ilə həyata keçirilib.
Təqdimatda universitetin müəllim-tələbə heyəti ilə yanaşı, İREX-Azərbaycan təşkilatının “Azərbaycanda Yeni Media” layihəsinin rəhbəri Angela Nicoara, USAİD-in missiya rəhbəri Michael Greene, ATU-nun rektoru Xavər Məmmədov iştirak ediblər.