Azərbaycanda Milli radiomonitorinq şəbəkəsi yaradılır
24-06-2011
17:17
Azərbaycanda ilk dəfə olaraq Milli Radiomonitorinq Şəbəkəsi yaradılır və hazırda bu istiqamətdə işlər davam etdirilir.
“Mehdiabad, Günəşli və Sahil qəsəbələrində tikilmiş binalarda avadanlıq qurulduqdan sonra layihə üzrə işlərə başlanılacaq. Gəncədə də uyğun bina tikiləcək.”- Rabitə və İnformasiya Texnologiyaları Nazirliyinin Dövlət Radiotezliklər Agentliyi pres-relizde deyib.
Radiomonitorinq sistemi bütün radioelektron vasitələrin qeydiyyatını, bu avadanlıqdan qeydiyyatsız istifadənin qarşısının alınmasını, tezliklərdən düzgün, səmərəli istifadəni, efirə nəzarəti, onun kənar maneələrdən qorunmasını nəzərdə tutur.
“Radiomonitorinq şəbəkəsi yeni texnologiyalar əsasında beş regional mərkəz və onun alt məntəqələrindən uzaqdan idarəetmə sistemilə bütün respublikanı əhatə edəcək. Yeni şəbəkə kiberməkanın təhlükəsizliyinin təmini baxımından da əhəmiyyətlidir”- pres-relizde bildirilib.
