Adobe-un rüblük mədaxili ilk dəfə olaraq $1 milyardı keçib

27-12-2010 / 08:00

Adobe Systems Incorporated şirkətinin rüblük mədaxili fəaliyyəti boyu ilk dəfə olaraq bir milyard ABŞ dollarını keçib.

Belə ki, şirkətin hesabatına əsasən 2010-cu maliyyə ilinin dördüncü rübü ərzində proqram təminatı istehsalçısının gəliri 1,01 milyard dollar olub. Bu, ötən ilin həmin dövründə əldə olunmuş 757 milyon dollardan 1,3 dəfə çoxdur. Adobe-un təmiz mənfəəti isə 269 milyon dollar, və ya bir səhm üzrə hesabda 53 sent təşkil edib. Müqayisə üçün qeyd edək ki, 2009-cu ilin dördüncü rübünü şirkət vergi ödənişləri və apardığı struktur dəyişikliyi nəticəsində 32 milyon dollarlıq (bir səhm üzrə 6 sent) ziyanla başa vurub.

Ümumiyyətlə 2010-cu ildə Adobe şirkəti 3,80 milyard dollar mədaxil əldə edib ki, bu ötən ilin 2,95 milyard dollarlıq göstəricisi ilə müqayisədə 29 faiz çoxdur. Bu zaman təmiz mənfəət $386,5 milyondan (bir qiymətli kağıza görə 73 sent) $774,7 milyonadək (bir qiymətli kağıza görə 1, 47 dollar) artıb. Maliyyə göstəricilərinin təqdim olunmasından sonra şirkətin səhmlərinin dəyəri 5,4 faiz yüksəlib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.