Azərbaycanda sosial şəbəkələr bağlana bilərmi?

28-03-2014 / 15:46
Osman Gündüz: "Bu, informasiya əldə etmək hüququnun məhdudlaşdırılması kimi dəyərləndirilir”
 
 
 
 
 
 
Türkiyədə «Twitter» sosial şəbəkəyə giriş bir həftə öncə məhdudlaşdırılmışdı. Bu, Türkiyənin baş naziri Rəcəb Tayyib Ərdoğanın Bursa şəhərində keçirdiyi mitinqdən sonra olub. Məlumata görə, Ərdoğan mitinqdə, ""Twitter"in-filanın, hamısının kökünü qazıyacağıq" deyib.
 
 
 
 
 
 
 Bundan bir neçə saat sonra, saat 23.34-də ölkədəki bəzi serverlərdən sosial şəbəkəyə girmək mümkün olmayıb. Lakin bir neçə gündən sonra  Türkiyədə məhkəmə "Twitter” sosial şəbəkəsinə qoyulmuş qadağaya xitam verilməsi ilə bağlı qərar qəbul edilib. Bu barədə qərar Ankara15-ci İnzibati Məhkəməsi tərəfindən qəbul olunub.
 
 
 
 
 
 
 Bəs, analoji hadisə Azərbaycanda təkrarlana bilərmi? Nəzərə alsaq ki, Azərbaycan hakimiyyəti  sosial şəbəkələrdə kifayət qədər ciddi şəkildə tənqid olunur.  Azərbaycan İnternet Forumunun prezidenti Osman Gündüz facebookun fəaliyyətinin ölkə ərazisində dayandırılmasının mümkünlüyü ilə bağlı  "Gündəlik Bakı”ya açıqlama verərkən bildirdi ki, Azərbaycanda sosial şəbəkələrin bağlanmasını gözləmirik: "Çünki Azərbaycanda nəinki bunun bağlanması istiqamətində əksinə biz müşahidə edirik ki, hökumət bu sahənin daha da inkişafına yönələn addımlar atır.
 
 
 
 
 
 
 Bir misal çəkə bilərəm ki, bu il təkcə genişzolaqlı internetin inkişafı üçün 100 milyona qədər vəsait ayrılıb. Eyni zamanda Azərbaycanda ciddi siyasi hadisələr olan vaxt bizim monitorinqlərin nəticəsi göstərib ki, həmin dövrlərdə nə Facebook, nə də Twitter sosial şəbəkə bağlanmayıb. 
 
 
 
 
 
 
Siyasi gərginliyin yüksək həddi olduğu vaxtlarda belə bu cür şəbəkələr ölkəmizdə bağlanmayıb. Ona görə həm hökumət tərəfindən internetin inkişafına atılan addımlar, həm də əvvəlki dövrlərdə baş verən hadisələr göstərir ki, Azərbaycanda ən kritik anlarda belə sosial mediaya girişin məhdudlaşdırılması olmayıb. Ona görə də mən düşünürəm ki, digər qonşu ölkələrdə baş verən addımlar ölkəmizdə təkrarlanmayacaq.
 
 
 
 
 
 
 Eyni zamanda bu, Azərbaycanın beynəlxalq imicinə də ciddi zərbə vurardı. Yəni bu, informasiya vasitələrinə girişin məhdudlaşdırılması insanların əsas fundamental hüquqlarından olan informasiya əldə etmək hüququnun məhdudlaşdırılması kimi dəyərləndirilir. Bu, beynəlxalq qurumlar tərəfindən pis qiymətləndirilir. 
 
 
 
 
 
 
Bütün bunlar bunu göstərir ki, belə bir hal Azərbaycanı gözləmir. Türkiyə hakimiyyətinin atdığı addım qeyri-qanuni addımdır. Yəni əsaslandırılmayan bir addımdır. Əgər hansısa dənizdə bir damla çirkli su varsa, onda dənizi qurutmağa ehtiyac yoxdur.
 
 
 
 
 
 
 Seçki ilə bağlı hökumət yəqin ki, müəyyən informasiyaların yayılmasının qarşısını almaq məqsədilə bu addımı atıb. Bu addım da qeyri-qanunidir. Beynəlxalq normalara ziddir. 
Mən bildiyimə görə, Türkiyənin özünün məhkəmələri Twitter sosial şəbəkəsinin bağlanmasını qeyri-qanuni olduğunu bildirib. Twitterin qapanması ilə bağlı qərarı ləğv edib. Bildiyim qədər orada sosial şəbəkələrə giriş sərbəstdir”.(GÜNDƏLİK BAKI)

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.