Ekspert: Türkiyə sosial mediaya qarşı sərt xəttini davam etdirir

29-07-2020 / 21:29
Xeberler.az bildirir ki, Türkiyənin Böyük Millət Məclisi sosial medianın ölkə ərazisində tənzimlənməsi ilə bağlı qanun layihəsini qəbul edib.
 
Bu qanuna görə sosial media sahibləri olan xarici şirkətlərdən (Facebook, Twitter, İnstagram ve s) tələb olunur ki, Türkiyədə ofislərini açsınlar. Onlar həmçinin yerli qanunvericiliyin tələblərinə əməl etməsələr məsuliyyət daşıyacaqlar. Ofislərini açmaqdan imtina edən sosial media qutumlarının Türkiyə ərazisində fəaliyyəti məhdudlaşdırılacaq.
 
Bu barədə Azərbaycan İnternet Formunun Prezidenti, ekspert Osman Gündüz açıqlama verib:
 
"Bu ölkəyə qarşı ikili standartlarla bağlı Türkiyənin əvvəldən də bir sıra sosial media qurumları ilə problemləri vardı. Görünür ki, problem xeyli ciddiləşib. Düşünürəm ki, bu qanun Türkiyə cəmiyyətinin müxtəlif sahələrinə və onun beynəlxalq imicinə təsirsiz ötüşməyəcək. İlkin olaraq qeyd etmək istərdim ki, biznes baxımından, kommunikasia və qərar qəbul edənlərə əlçatanlıq baxımından uğurlu addım hesab oluna bilər.
 
Yəni, ölkədə nümayəndəliklər açılarsa adı çəkilən qurumların nəhəng reklam gəlirlərindən mütləq şəkildə Türkiyəyə də pay düşəcək. Burada söhbət yüz milyonlardan gedir.
 
Amma, düşünürəm ki, bu qanun təsdiqlənsə ifadə azadlığı, İnternet və informasiya azadlığı üçün problemlər yarana bilər, xüsusilə də innovasiaya-startap-ekosistemin inkişafı və e-ticarət üçün, sosial media üzərində "oturan" biznes və xidmət sektoru üçün, bu sektorlara yartırılan investisiyalar üçün ciddi risklər ola bilər.
 
Bu arada Türkiyədə məmurlar üçün WhatsApp və Telegram kimi ani mesajlaşma proqramlarından da istifadə qadağan edilib.
 
Onlar bu məqsədlə yerli rəqəmsal həllərdən, məlumat bazaları ölkə daxilində olan yerli proqramlardan istifadə etməlidirlər".

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə